Page 34 - BND JULY 3

B10

LOCALDiabierna 3 Juli 2015

Step by Step Dance
Academy cu evento grandi

E famoso grupo di baile STEP BY STEP lo ta presentando
nan espectaculo anual dianan 4 y 5 di juli 2015. E evento aki
cu ta masha gusta y bishita tur aña lo tuma luga den Cas di
Cultura. E orarionan ta dia 4 di juli 7:30 pm y dia 5 di juli
4:00 pm.
Maestronan Sonia Geevers, Orwin Gomez y tur alumno di
Scol di Baile Step by Step, ta invita henter pueblo di Aruba
pa bini y disfruta di e talento grandi cu Step By Step Dance
Academy tin pa brinda. q

EPI sector di hospitalidad y turismo:

Miembronan di directiva pa Conseho di Studiante 2015-2016 a wordo eligi

Diabierna 26 di juni a tuma luga na Radisson Ballroom e clau-
sura di “Student Council” su periodo pa e aña escolar 2014-
2015 y alabes a eligi nan directiva nobo cu lo cuminsa cu nan
tarea nan pa e aña escolar 2015-2016 na EPI sector Hospitalidad
y Turismo.
Ariba e anochi placentero aki e studiantenan cu a cumpli un aña
como miembro activo di e “Student Council” pa e aña escolar
cu a pasa, a ricibi un certificado di aprecio. E studiantenan aki
ta como lo siguiente:
Justine Tadena, Sean Webb, Amanda Croes, Aura Ras, Jailené
Croes, Miechäella Wiliams, Destiny Maduro, Loraine Maduro,
Vicky van Putten, Bernie Anne Agana, Junell Jimenez, Lizabeth
Encarnación, Kimberly Joseph, Elizaine Diaz, Shawn Williams,
Nakisha Williams, Jake Kelkboom, Janella Henriquez, Jonovan
Wernet, Derrick Bisslik. (Miembro 2014-2015).
Dexter Lacle, Stephany Wong, Gizanny van Putten, Camille
Angela, Zachary Osuna (Miembro di directiva 2014-2015).
Despues di e entrega di certificado nan a sigui cu e eleccion pa
cu e miembronan di directiva nan nobo.
Siguientemente e resultado:
Como Presidente a keda elehi Zachary Osuna, como Vice Presidente Derrick Bisslik,
como Secretario Janella Henriquez, como Tesorero Nakisha Williams, como PR Sean
Webb y por ultimo como Vice PR a keda Jake Kelkboom.
E anochi tawata uno agradabel y placentero ora di e votacion di e Miembronan di Direc-
tiva nobo. Durante e anochi nos a despedi di nos decano Giovanni Lew Jen Tai cu lo sigui
cu su carera profesional na un otro institucion.
EPI Hospitalidad y Turismo ta desea exito na e studiantenan aki pa e proximo aña escolar
y cu nan lo por cumpli cu tur nan metanan, mirando cu e SC su funcion primordial ta
pa ta e bos di studiantenan na scol, pa comunica e necesidadnan y opinionnan di studian-
tenan cu staf y directiva di scol. Como representantenan di unidad lo nan tin cu traha ariba
diferente proyecto y servicio pa studiantenan, pa haci e bida di studiante mas placentero y
interesante. Y por ultimo, e studiantenan aki tambe lo haya training riba tereno di desar-
oyo personal y liderazgo pa asina haci nan trabou mas miho posibel. Pabien!q