Page 12 - AM240904
P. 12
12 INTERNACIONAL AWEMainta Diaranson, 4 September 2024
Starlink ta desafia ordo di corte
Brasilero pa suspende plataforma X
E proveedor di internet via satelite di Elon
Musk, Starlink, a informa e regulador di tele-
comunicacion di Brazil, Anatel, cu e no lo
cumpli cu un orden di corte pa blokea e plata-
forma di media social X den e pais. E desafio
aki ta bin como un respuesta n’e congela-
mento di e cuentanan bancario di Starlink na
Brazil, un movecion cu Musk a condena, etik-
etando Hues di Corte Supremo Alexandre de
Moraes como un “dictador.”
E disputa a cuminsa ora Hues Moraes a
ordena tur proveedor di telecomunicacion,
incluyendo Starlink, pa cera X, e plataforma
tambe propiedad di Musk, pa no a establece
un representante legal na Brazil. Como repre-
saya, e corte mas halto di Brazil a congela e
cuentanan di Starlink, citando multanan no
resolvi relaciona cu e fayo di X pa entrega
cierto documentonan.
Anatel, e autoridad di telecomunicacion di
Brazil, a confirma cu a ricibi un comunicacion
di Starlink, cual despues a wordo manda p’e
Corte Supremo. E hefe di e regulador, Carlos
Baigorri, a divulga esaki durante un entrevista
cu Globo TV, notando e seriedad di e enfrenta-
mento continuo.
E caso awor a escala n’e corte mas halto di e
pais, unda un panel di cinco miembro ta spera
di dicidi dialuna si ta mantene e decision di
Moraes. Expertonan legal consulta pa Reuters
ta kere cu e panel probablemente lo bay di
acuerdo cu Moraes, reforsando e posicion di e
corte den e conflicto di alto perfil aki.
E resultado di e decision aki por tin implicacion
significante tanto p’e operacionnan di Starlink
na Brazil como p’e panorama legal mas amplio
tocante companianan tecnologico stranhero
den e pais. Mientras e situacion ta desaroya,
tur wowo ta riba e Corte Supremo pa mira con
e lo nabega e asunto contencioso aki entre un
gigante tecnologico global y e sistema hudi-
cial di Brazil.
