Page 11 - SOLO

Pagina 12 Dialuna 12 Oktober 2015

Dos hoben deteni, 5 arma di candela carga y
más tres auto confisca

Diasabra den ora nan di
madruga un Yaris Blauw
A50866 a los como tres
tiro ariba un bar na Alto
Vista. E dos hobennan
aki lo no tabata sa cu tin
verkenners campando
aparentemente. Esnan
cu tabata lanta esta
e verkennernan por a
waak e number y ki auto
e tabata.

Un paar di minuut
despues patruya di
Santa Cruz a bin topa
cu e auto cu mesun
descripcion na altura
di Tamarijn 54. Aki 2
persona a wordo deteni
pa MOBIELE EENHEID.

R.A. Semeleer di 20 aña,
bartender na The Casino
y R.G. Sint Jago di 17
aña. Den e dashboard
polisnan a bin haya e
armanan aki scondi, y
tur tabata carga cla pa
tira. Den un otro Yaris
blanco para eynan cu
number A23537 cu no
ta registra, nan a haya
un otro pistool mesun
style cu esun den e
dashboard. Den A42486
un Yaris shinishi den e
dashboard ey tambe
nan a haya 2 pistool.
Total 5 arma di candela.
Bao di un di e autonan,
nan a ripara cu nan lo tin
4 tire cu aparentemente
ta pertenece na Kia Rio.
Pues horta!

Loke a hala atención di

polisnan na e sitio ta y a

laga tur hende sorprendi

ta cu pakico tanto arma

y pakico nan ta carga

caba y tur scondi den

diferente auto? E caso

aki ta sumamente

preocupante. Con por ta

cu muchanan asina jong

tin asina hopi arma ? Y

kico ta nan intención?

Un di e arma nan tabata

un glock. Ambos

hoben a ser transporta

pa warda di polis,

caminda lo tin hopi cos

di bay papia ariba dje cu

autoridadnan.