Page 25 - AWEMAINTA
P. 25
Diamars, 27 Februari 2018 AWEMainta 25
Cerbes Chill ta cla pa “Flip Flop Festival 2018”
E aña aki ta tuma luga e di 7 Flip Flop Festival, unda
cu tur hende lo disfruta di diferente genero di musica,
artista y Dj. Pa aña e festival ta crece, aña pasa tabatin
6000 persona cu a bay disfruta di e Flip Flop Festival.
E aña aki un biaha mas esaki lo tuma luga diasabra dia
28 di April na Bushiri Beach Arena, unda cu tur hende
lo por disfruta di diferente musica. E evento di Flip
Flop lo ta 3 dia unda e prome dia 27 di April lo tin e
Opening Event, e di dos dia 28 di April e festival y e
ultimo dia 29 di April e clausura. Aña pasa hopi hende
a disfruta hopi di e Flip Flop Festival cu Rick Ross y
Morgan Heritage y e aña aki un biaha mas nan lo por
disfruta di e productonan di cerbes Chill.
Muy pronto cerbes Chill conhunto cu Elite Produc-
tions lo anuncia kendenan lo ta e entretenimento p’e
Flip Flop Festival. Den añanan anterior a disfruta di
presentacionnan di Gyptian, Israel Vibrations, TOK,
Quintino, DYNA y Walshy Fire. Lo por disfruta di
varios genero musical, manera Reggea, Urban, Dance-
hall, Soca, Latin, etc. pero na mes momento lo disfruta
di e festival cu cerbes Chill den man.
Comunidad di Aruba ta invita pa un fin di siman di e
7 Flip Flop Festival.
