Page 12 - AWEMAINTA

12 AWEMainta Diamars, 11 Februari 2020

Adicto Rafini a comete kiebro y

drenta horta masha hopi alcohol

den Kong Hing Supermarket

DIADOMINGO anochi laat pasa di 11’or, Polis a haya informacion di
un kiebro den Kong Hing Supermarket situa den Havenstraat. Infor-

macion adicional tabata cu e individuo cu a kibra drenta ainda ta den e
supermercado.

Na yegada enberdad Polisnan a bin topa cu un bicicleta y dos tas carga

cu tur sorto di alcohol.
E entrada a wordo forsa dor di usa un skere di corta hero.

Di eynan a sigui pa kibra e vitrina y dor cu e adicto ta flaco el a pasa

bay. Posiblemente dor di haltura e no a worry cu e tabata haci desordo.

Esaki a lanta sospecho cerca security guardnan den cercania cu a bati
alarma.

Polis a yega y mesora algun agente a bay paden, tambe compania di e
security a yega n’e sitio y despues e doño.

Asina a bin cende e luznan y despues di basta busca a bin topa cu un

conoci di nan, Rafini n’e di dos piso. Aki ta unda Polisnan mester a mani-
obra pa sake. Por bisa cu e adicto aki tabata bastante altera y agresivo.

Mientrastanto a pone sinta paden wardando Transportwagen. Momen-

to cu a sake for di e supermarket el a bira mas furioso y dado momento

Polisnan mester a usa forsa pa hinke den e Transportwagen. Eyden el
a keda skop y grita un monton di cos.

Loke ta lamentabel ta cu e propetario ta core cu un gasto basta grandi,
esta na glas y algun cos cu mester di welder. Na un manera basta inge-

nioso e adicto a planea tur cos con pa drenta y unda e lo horta alcohol pa

mas sigur bende prome cu Carnaval y usa e placa pa consumo di droga.