Page 17 - AWEMAINTA

Diamars, 11 Februari 2020
Aruba Softball Bond cu un reunion extra ordinario impresionante
Campeonato Masculino ta inicia 30 di april
mientras Femenino lo inicia 21 di augustus
AWEMainta 17
DIARANZON ultimo Aruba Softball Bond tabatin
su reunion extra ordinario pa planifica henter aña
2020. Un asistencia masal cu alrededor di represent-
antenan di 18 equipo miembro, kendenan tabata pre-
sente p’asina discuti y debati riba diferente punto di
agenda.
Entre otro fechanan pa campeonatonan local mascu-
lino A- Klas y AA y tambe femenino U17 y AA.
Un punto hopi interesante cu a wordo atendi tambe t’e
suma cu hungadornan mester paga pa retiro. Despues
cu den sala un mocion a wordo lansa y a wordo segun-
da esaki a wordo someti na votacion y asina a trese
cambionan structural den esaki faboreciendo e atleta.
A toca e topico di seleccionnan. Corsou ta host campe-
onato femenino pa clasificasion pa Juegos Centro
Americano y del Caribe 2022 na Panama.
Esaki lo tuma lugar augustus 2020 proximo, mientras
clasificasion masculino no tin fecha ainda. ASB a spli-
ca cu si yega na entendimiento cu Stichting Subsidie
Commissie pa duna sosten na seleccion femenino y
masculino lo percura pa seleccionan bay e competen-
cianan aki.
Mientrastanto anticipando lo cuminsa prepara selec-
cionnan.
Campeonato oficial local lo inicia 30 di april proximo
y e gran apertura lo tuma lugar na veld di Dragon
Hitters unda tur club tanto masculino y femenino lo
ta desfilando den un bunita apertura cu lo wordo pre-
para pa ASB. A trata diferente otro punto di agenda.
E ultimo dia pa entrega retiro ta 31 di maart 2020.
Aruba Softball Bond ta pidi pa tene bon cuenta cu es-
aki. Campeonato oficial lo incia 30 di april y ta pidi pa
tur equipo miembro cuminsa cu nan preparacionnan
p’asina e competencia por bay ta uno di nivel den tur
categoria. Tur cos ta ilustra cu campeonato 2020 lo
bay ta uno hopi grandi. Softball organisa y competi-
tivo a la carga!