Page 29 - MIN SOC, 29 MAY

Guillfred Besaril (MEP): "Fraccion di MEP a realisa
bishita na Bureau Sostenemi"

Thursday, 28 May 2015 22:51

Comparti

Pa partido MEP e rol di e diferente fundacionan of departamentonan di gobierno cu ta atende cu e
problemanan social den nos comunidad ta sumamente importante. Durante tratamento di Presupuesto
2015, Parlamentario Besaril a elabora extensamente den su disertacion di e importancia di e labor
desplega pa "Bureau Sostenemi".

En conexion cu e preocupacion expresa, miembronan di Fraccion di MEP den Parlamento a reuni e siman
aki cu e directora y staff di e Bureau en cuestion.

"Bureau Sostenemi" a keda instala na 2005, despues di e labor y estudio desplega pa e stuurgroep AMK
(Advies en Meldpunt Kindermishandeling) na 2004. E meta principal di e Bureau ta di combati abuso di
mucha. E forma con e Bureau kier alcansa esaki ta por medio di:
* Registra e casonan di abuso di mucha
* Duna conseho den cierto casonan y
* Notificacion di e casonan.
Pues un punto central di notificacion pa loke ta casonan di abuso di mucha. Durante e bishita di Fraccion
di MEP, e directora, sra. Tecklenborg, ademas di a pone enfasis riba e tareanan menciona, a elabora riba e
"Follow Up" cu ta asina crucial entre e diferente instancianan social.

Un punto di preocupacion pa "Bureau Sostenemi" ta e cambio di ley necesario den nos Codigo Civil pa e
departamento por funciona conforme e intencion pa cual e la keda instala na 2005. Parlamentario Besaril
den su disertacion durante e tratamento di Presupuesto 2015 a elabora riba e legitimidad demostra pa
"Bureau Sostenemi" den practica, pero cu mester ancra e legitimidad aki tambe den nos codigo Civil
(articulo 243), pa garantisa un funcionamento optimal di e departamento.

Fraccion di MEP ta carga e speranza cu e demas Fraccionan den Staten y e Minister encarga cu "Bureau
Sostenemi" tambe por yega na e mesun conclusion cu nan, pa asina ehecuta e cambionan necesario tanto
pa un funcionamento optimal di departamento como na e bienestar di nos muchanan.

http://www.24ora.com/politica-mainmenu-18/95698-guillfred-besaril-mep-qfraccion-di-mep-a-realisa-
bishita-na-bureau-sostenemiq

Apostel Pablo ta adverti nos pa forsanan di e mundo
spiritual cu ta astuto manera serpiente

Thursday, 28 May 2015 20:12