Page 29 - RIU

Minister Mike de Meza: E grado di estadia di huespednan na
Riu ta mas cu 90%

Thursday, 20 July 2017 19:23
1

Comparti

Minister di Turismo, Transporte Publico, Energia y Medio Ambiente, Ing. Mike de Meza a topa cu e
General Managernan di Riu Palace Aruba y Riu Palace Antillas diahuebs mainta durante un bishita di
cortesia. Minister de Meza a felicita Riu pa su di 10 aniversario na Aruba, na e trahadonan y
bishitantenan pa haci uzo di e facilidad di Riu.

A informa Minister de Meza cu e grado di estadia ta riba 90% y esaki ta hopi bon! Durante e prome 6
lunanan, e hotel tabata completamente yen y Riu ta premira cu pe resto di mita aña lo ta uno sumamente
positivo. E general managernan a informa Minister de Meza cu nan ta premira cu pe resto di mita aña
nan lo ta yen y riba 90%. “E ta bayendo hopi bon. Mi ta hopi contento pa tende esaki”, Minister de Meza
a expresa. E mandatario a combersa cu diferente director di hotelnan y diferente persona den e sector
turistico. Durante e bishitanan aki el a scucha diferente palabra di elogio y cu turismo ta bayendo den
bon direccion. Minister de Meza a percura pa informa comunidad di Aruba cu turismo ta bayendo bon.
Aruba tabatin e aumento di mas grandi den “revenue” den henter Caribe. Pa haya sa con bon Aruba ta
para, ta midi e isla cu paisnan mas grandi den Caribe y Aruba ta mustra bon.

E parti di Merca ta sumamente fuerte pa Aruba y esaki ta sumamente bon pasobra nan ta e number 1 pe
turismo di Aruba. Pa mira cu Aruba tin e crecemento di mas grandi cu otro pais, esaki ta hopi positivo. E
turismo di crucero tambe ta haci uzo di e hotelnan unda cu nan uza e “day pass”. E contribucion ta uno
hopi positivo. Gerente General di Riu Antillas, Juan Blanco tabata contento cu Riu a celebra nan di 10
aniversario na Aruba. “Nos kier a gradici tur nos proveedornan y nos empleadonan pasobra sin nan nos
no t’ey aki”, Juan Blanco a expresa contento. Danki na nan cu e hotelnan ta bayendo bon. Minister de
Meza a bishita nan y yama nan pabien pa cual Juan Blanco ta sumamente gradici.