Page 1 - AM200811

Augustus 11, 2020
www.awemainta.com
www.facebook.com/awemainta
noticia@awemainta.com
583-1400

CENTRO DI GOBERNACION

BOU INVESTIGACION PENAL

PA CORUPCION CU TERENO

DESPUES di algun entradanan hudicial di
RST y Landsrecherche a sigui esun cu a hala
atencion, esta na sede di gobernacion, esta
na Colcolishi. Pasobra ta pa prome biaha cu
na un Centro di Goberacion Husticia ta haci
un entrada hudicial en busca di evidencia di
suspecho di corrupcion.

Den prome oranan di mainta tabatin inval
haci na cas di campañado di Otmar Oduber,
esta Aisha Esser y despues a sigui pa sede di
Gobierno, esta, cas di Gobernacion di Gabinete
Wever-Croes.
E Gabinete ta bou pleno investigacion
relaciona cu caso Flamingo. Fiscal hunto cu
funcionarionan di e departamentonan hudicial
ya menciona a yega mainta tempran na
Bestuurskantoor, buscando evidencia den caso
di corupcion di Otmar Oduber.
Informacion cu nos tin ta bisa cu e team a bay
directamente na oficinanan di Ministerio di
Infrastructura, cu te ainda Minister Marisol
Lopez Tromp ta uza. E t’e sitio unda Otmar
Oduber a sinta e dos añanan cu e tabata Minister
encarga cu Infrastructura. Autoridadnan
hudicial a bay cu varios documento y computer,
pa haci nan investigacion di caso Flamingo.