Page 27 - ATA 14 SEPT 2015

Reunion importante tocante criminalidad awe tardi

Publication: Monday, 14 September 2015. Categoria: General

Segun Hubert Dirksz di Fta, mester tuma decisin awor pa frena criminalidad

ORANJESTAD – Despues cu FTA a reuni
recientemente cu Gobierno di Aruba riba e tema di criminalidad, e organisacion sindical ta
preparando nan mes pa e proximo encuentro cual lo tuma luga awe, dialuna, 14 di September den
oranan di atardi. Esaki a wordo confirma door di Presidente di FTA Hubert Dirksz.

Dirksz a splica cu e encuentro aki lo tuma luga na dr. Edward Cheung Center for Innovation y
otronan cu lo participa den e encuentro aki ta representantenan di ATA y AHATA. E ta un
encuentro cu e mesun FTA a pidi pa tuma luga debi cu e criminalidad a bira insoportabel pa e
industria turistico.

“FTA ta kere cu si e nivel di criminalidad sigui manera e ta bayendo, e por ta desastroso pa
Aruba, pa e industria turistico, principalmente despues di e tiroteo den e area ey.” El a agrega cu
e intencion tabata pa Minister di Husticia y otro instancianan cu ta atende cu siguridad tambe
participa den e encuentro aki.

E sindicalista ta haya cu hopi lihe mester tuma decision kico ta bay haci pa frena e problema di
criminalidad. “Un problema mas ta di mas,” el a bisa. E criminalidad no ta causa cu solamente
turismo ta na peligro, pero tur esnan trahando den sector di hotelero y na Aruba ta den problema
cu e atraconan tumando luga. “Nos no por lague sigui mas den e forma cu e ta bayendo. Nos sa
cu Gobierno den pasado a firma un Protocol, pero nos sa tambe cu mayoria di e puntonan den
Protocol no a cumpli cune. Pesey nos no kier bay atende cu Protocol awo. Tampoco nos kier bay
wak plan a termino largo. Nos sa cu tin plannan bon andando cu ta atende cu hubentud, pero nos
sa tambe cu Gobierno no tin placa. Nos kier un decision pa atende cu e problema awo, di biaha.”

FTA di su banda a pensa riba cameranan den e sector hotelero, mas siguridad den e area,
aumenta e cantidad di Polis (visibilidad). A papia esaki cu Prome Minister caba den e reunion
anterior, unda cu a dicidi cu despues di 10 dia mester sinta bek. Lamentablemente, el a bisa, e
reunion no a tuma luga den e fecha stipula y nan no tin siguransa tampoco cu Minister di
Husticia y su departamentonan lo ta presente den e encuentro aki.

E sindicato por a compronde, segun Dirksz, cu Prome Minister Eman kier presenta un rapport cu
ta data di 2013 pa implementa e solucionnan conseha eyden, pero pa nan esaki no ta loke nan