Page 10 - WEB

Rocco Tjon: Negociacionnan Pa Yega Na Un

Refineria Completamente Operacional Por Inicia

 Featured
- 13/10/2019

Sra. Prome Minister mr. Evelyn Wever-Croes a anuncia siman pasa cu Aruba ta bay haya
bek e yabi di refineria y terminal. Esaki ta pa permiti Gobierno di Aruba busca otronan cu
ta interesa den opera e terminal y e waf, y e refineria tambe. Esaki despues cu AVP a
mara pueblo fi Aruba na un contracto sin pia y cabes pa probecho personal di esnan
envolvi, segun lider di fraccion di MEP, Rocco Tjon.

REFINERIA
Cu e firmamento di e MoU, Gobierno di Aruba por cuminsa negocia cu otro partidonan
interesa. Ya caba tin un lista di 25 compania cu a expresa nan interes den ultimo tempo,
sinembargo Gobierno no por a negocia cu nan, pa haya sa si nan ta partnernan serio.
Awor si esaki ta posibel. Adicional Gobierno lo bay busca activamente na mas
inversionista, entre otro dor di tene un “road show” na Houston, caminda tin
inversionistanan serio, Rocco Tjon a sigui bisa.

ENVOLVIMENTO DI SINDICATO
Riba peticion di sindicato, empleadonan tambe lo wordo envolvi den e proceso aki.
Gobierno ta buscando un partner serio, cu tin e fondo pa inverti mesora den e refineria, pa
haci’e un refineria ‘State of the Art’, cu ta cumpli cu normanan medio-ambiental, cu ta
paga nan “fair share” na pueblo di Aruba y cu ta trata su empleadonan bon.

TERMINAL Y WAF
Minister President a duna di conoce cu e firmamento di e MoU, Gobierno ta haya control
di e waf y di e tankinan. Tur hende ta corda e bon temponan di “Wickland Oil”, cu a