Page 35 - DESPA 29 MAART 2016

Gobierno a nenga e barco Riviera pa drenta nos waf

Thursday, 24 March 2016 17:00
Comparti

Awe diahuebs santo Gobierno di Aruba a rechasa entrada di e barco Riviera di e compania Royal
Caribbean Cruise Ltd. E motibo di e decision aki ta debi na varios aspecto, cu tin di haber cu salud
publico. Ayera a informa Departamento di Salud Publico di Aruba cu tin 44 pasahero abordo cu ta malo,
sospecha di ta sufri di "Gastroenteritis".
Den menos di 24 ora e cantidad aki a aumenta te cu 56 pasahero, incluyendo 1 miembro di tripulacion.
Cu esaki ta mustra cu tin un "outbreak" abordo y cu a hasta afecta e miembronan di tripulacion. Pa awe
ora cu e barco tabata yegando nos isla, ya e cantidad di pasaheronan infecta a subi na 64 caso! Ta tene
cuenta cu tin un problema structural riba e mesun crucero aki pasobra esaki ta di 5 "outbreak" riba e
crucero aki den e ultimo aña. E ultimo tabata luna pasa ainda den cual 127 hende a bira malo, di E
informacion cu a yega na Departamento di Salud Publico ta indica cu e edad promedio di e pasaheronan
abordo ta 71 aña, hincando e pashentnan den un grupo di riesgo debi na nan edad y condicion. E
pasaheronan infecta ta experenciando 20 episodio di diarhee den 24 ora di tempo, cu riba Cu e realidad
aki riba mesa,
Departamento di Salud Publico a atende e reto aki tanto cu Minister di Salud Publico como tambe cu
Minister Presidente di nos pais, splicando cu na Aruba nos no tin e capacidad humano pa monitor tanto
pashent malo pareu asina. Tambe ta tene cuenta cu nos Hospital no tin e capacidad pa atende e cantidad
di pashentnan deshidrata. Te ainda no ta confirma kico ta e enfermedad cu e pasaheronan ta infecta
cune, pero ta haciendo testnan cu ta mustra cu lo por ta "Norwalk Virus". Cu tur e retonan ey y cu e
realidad di e situacion di salud cu Aruba por carga na e momento aki, y di acuerdo cu areglonan
internacional, a dicidi di nenga entrada di e crucero aki y conseha nan pa regresa Miami pa eynan atende
e pasaheronan y sanea e barco tambe.

Comentarionan (2)

Mustra/Kita comentarionan
olga tromp
March 25, 2016
173.245.54.242
Votes: +0

