Page 20 - BLID - IMSAN

Malesa di riñon ta sigui aumenta na Aruba y pa cu e motibo aki Comision di Riñon di IMSAN a organisa
un siman di diferente actividad pa conscientisa pueblo tocante e malesa aki. Un di e actividadnan cu a
atrae hopi hende tawata e actividad cu a tuma lugar diaranson anochi na IMSAN unda charlanan a wordo
duna pa cu e causanan y e tratamento di malesa di riñon.

Charlanan interesante a wordo duna door e.o. dr. Eddy Falconi, sra. Marlene Illidge, sra. Clarita Bryson y
otronan. Malesanan cu por haci of cu ta haci daño na nos riñonnan ta lo siguiente: 1. Diabetes Mellitus, 2.
Presion halto, 3. Malesa congenital, 4. Abuso di alcohol/remedi, 5. Obesidad. Dr. falconi tambe a papia
tocante di e sintomanan di e malesa di riñon p.e. perdida di apetit, nausea y sacamento, cansancio,
temblamento di musculo, curpa ta hincha, color por cambia y holor di urina.Durante e anochi interesante
aki a mustra e diferente ekipo cu ta haci dialyse y a splica e diferente metodonan di dialyse. A papia
tambe tocante transplantacion di riñon unda e lista di espera ta hopi largo, e tempo di espera ta core den
mas of menos 5 aña y unda tambe tin e risico cu e curpa no ta acepta e organo nobo aki.

Tin diferente instancia cu ta traha hunto pa cu e conscientisacion di pueblo pa cu diferente malesa cu ta
ataca nos comunidad y esey ta algo di aprecia. Awe tambe Parlamento durante e reunion publico di
“Hedging” a para keto un rato pa hunto cu otro instancianan rond Aruba bebe un glas di awa den cuadro
di e conscientisacion di e malesa di riñon. Asina a mustra con importante e ta pa bebe hopi awa
diariamente y fuera di esey controla regularmente cerca bo dokter di cas, haci ehercicio y come saludabel.

Comentarionan (1)

Mustra/Kita comentarionan

Pedrito bolpes

March 12, 2015

2 0 1 .2 2 9 .5 9 .1 0 6

Votes: +0

...

wel mira kwanto docter ti awor aki pero shonan boso mester di stop di bebe demasiado tambe paso esei tambe ta
danja bo rinion
awo ta bebendo awa pa loko korda bon si ku e awa tambe a bira caro ok y pio aienda falta
esta un politica barata no

http://www.24ora.com/politica-mainmenu-18/92829-lorna-c-varlack-informacion-educacion-y-
conscientisacion-riba-e-tema-di-cuido-di-rinon