Page 21 - BLID - IMSAN

Un gran cantidad di personanan preocupa cu enfermedad di
riñon a participa na charla na ImSan

Thursday, 12 March 2015 17:49
Comparti

Un panel di expertonan di Instituto Medico San Nicolas ImSan a uni hunto p’asina dirigi nan mes na e
multitud cu a acudi na e anochi informativo den cuadro di conscientisacion durante e siman di Riñon,
den cooperacion di ImSan, Dr. Horacio Oduber Hospitaal, Kidneys 297 y plataforma di Salud.
Dr. Edgard Falconi, internista trahando pa algun decada den ramo di nefrologia a conduci su mes na
e publico preocupa pa nan salud y nan riñon cu a acudi e anochi aki. “Tin hopi factor cu ta afecta nos
riñon, p.e. obesidad cu por conduci na enfermedad di curason, presion halto y diabetes. Isola of hunto e
malesanan aki ta pone un peso of presion grandi riba e riñon. Edad ya ta pone e riñon bay atras. “ dr.
Falconi ta conta. Na momento cu un gran cantidad halto di afvalstoffen di metabolismo manera e.o.
ureum cu no ta sali mas via di riñon y ta acumula bo curpa ya ta den estado critico. Nos curpa ta duna
muestra di no por funciona riba su mes mas y ta rekeri ayudo den forma di p.e. dialisis. Door cu bo curpa
ta bay atras gradualmente sin molester specifico, bo ta medio custumbra cu e cambionan, motibo pa
hende yega hopi laat pa tratamento. Obesidad ta e indice y rason primordial pa fayonan grandi den curpa
di un ser humano. Come na oranan laat di anochi ora bo curpa ya no ta haya e oportunidad pa yudado
absorbe y kibra e calorianan ta desastroso pa e otro organonan. Falta di movecion pa tene bo curpa
funcionando na maximo capacidad tambe ta hunga un rol. Un dieet sano a base di berduranan cu ta
contene menos potasio manera entre otro berehein, boerenkool, broccoli, kool cora, snijbonen, wortel ta
yuda na eliminacion di afvalstoffen. Menos salo y sucu, mas bida largo. Factornan di riesgo sigur ta
stress, presion halto, humamento, colesterol halto, abuso di alcohol tur ta riesgonan cu un persona
mester trata na preveni. Pa loke ta diabetes, hopi ta di creencia cu si e no ta existi den famia, e lo no
afecta bo. Loke ta eroneo. Eroneo ta tambe e idea cu diabetes ta afecta hende di edad halto y esunnan cu
ta abusa di sucu so, loke ta haci hopi hende descuida.