Page 34 - RDA

‘Anuncio recien di Citgo ta lamentabel y

fuera di nos control’

February 21, 2018
273

Parlamentario Richard Arends (AVP)
Den cuadro cu e noticia recien di e ‘slow down’ di Citgo, parlamentario di

fraccion AVP Richard Arends ta reacciona na Bon Dia cu: “Obviamente e ta
algo cu nos ta lamenta y ta algo cu ta fuera di nos control.” E parlamentario ta
subraya cu e ta un noticia preocupante pero no mester ta asina cu tin cu
cuminsa specula.

“Na momento cu nos a negosha esaki obviamente nos a keda den bon comunicacion cu
partnernan internacional y di Reino pa loke ta trata esaki. Manera e ehecutivonan di
Citgo a trece dilanti tambe pa nan e situacion no tabata algo cu nan por a premira y cu

ta spera un solucion pronto cu obviamente ta fuera di nan control tambe,” e
parlamentario ta expresa. E ta sigui bisa cu di otro banda, ta papiando di un ‘slow
down’ y no cu ta suspende manera cu a pasa den pasado cu Valero.