Page 73 - MIN VOS

Gamma su software RXPro ta bai live na Curaçao

Monday, 12 June 2017 19:56
Comparti

Na 2016, e desaroyador local di software Gamma IT Solutions a desaroya RxPro, e ta un systema
completo di POS pa e distribucion di medicina cu of sin receta, adapta specificamente pa e mercado
Arubano

y di Curaçao. Actualmente mayoria botikanan na Aruba ta usando e software aki pa botikanan, treciendo
asina e servicio pa cliente na un nivel mas halto. Gamma ta orguyoso pa anuncia cu e siman aki, RxPro a
bai live na Botika Mahuma, Curaçao, marcando e entrada di e software riba mercado di botikanan na
Curaçao.

Gamma su RxPro consultant Aldrich Arendsz ta splica, “E team di Gamma ta excita pa por a trese nos
software RxPro Curaçao. No solamente e software a bai live na Botika Mahuma, pero tin diferente otro
botikanan na Curaçao cu ta cla pa bai abordo cu e software.”
RxPro tin diferente modules cu directamente ta beneficia e cliente y pashentnan. E programa ta contene
e historia completo di tur pashent y un indice di tur e medicinanan registra cu SVB/BVZ na Curaçao cu
mensualmente ta wordo actualisa. E Medication Control Module ta maneha e interaccion di medicina
basá ariba seis criteria, asegurando e seguridad di tur pashent.
Algun modules nan ta garantisá mas eficiencia pa e botikanan, manera e module di control di inventario,
cual ta elimina control di inventario manual cu ta tuma hopi tempo ora mester order producto. Un built-
in “Suggested Purchase Order” module, basá ariba un formula adapta ta optimalisá e inventario,
ofreciendo e botikarionan un manera conviniente pa hasi e purchase order nan regular. Un otro
module ta trata e logistica di preparashonnan magistral, incluiendo calculacion di gasto automatico y
deduccion automatico for di e inventario. E billing module ta trata automaticamente e declaracionan
mensual pa SVB/BVZ. Otro aspectonan cu ta inclui ta e “barcode-base scanning and searching, role-
based access control”, sincronizacion continuo di data pa e grupo di botika y generacion di report and
audit trail.”

Project manager Koos Veel ta agrega, “ Nos ta spera cu pronto lo nos por agrega tur e botikanan di
Curaçao na nos base di cliente pa asina nan y nan clientenan tambe por cuminsa disfruta di e
beneficionan di e software.