Page 77 - MIN VOS

Diabierna proximo, dia 16 di Juni esaki lo wordo celebra pa un brindis, unda cu
lo tin tambe un Santo Sacrificio di Misa. Tambe lo tin un celebracion diabierna
dia 23, parti anochi. Tur e personal cu a yega di traha na DVG, pa meld nan

mes na DVG, cerca Sra. Georgina Thompson, cu ta bezig ta coordina e
celebracionnan aki.

Departamento di Salud Publico ta rondiando personanan cu a yega di afilia nan

mes na DVG, di cual nan a haya hopi y nan sa cu falta hopi ainda. Ta buscando
tur esunnan cu a duna di nan parti pa e salud publico na Aruba, pa celebra e

logra aki. Tin hopi hende cu a yega di traha na un compania cu tin 100 aña di
existencia, y pesey ta pidi tur hende pa join nan pa e brindis y e fiesta.

Bayendo bek na e historia di DVG, segun Sr. Staring, e motibo pakico a bin cu
salud publico tin di haber cu higiena. Pero nan tin hopi mas motibo, manera

menasanan den region, cu tin di haber cu malesanan contagioso. Tin tambe
Jeugdgezondheidszorg, ta vacuna muchanan, pa evita cu nan ta bira malo. DVG

tin un rol hopi importante, cu safety, den area di salud.

Pavia di e leynan cu a bin hunto cu e oprichting di Salud Publico, ya cu antes
casnan no tabata tin baño paden, pero nan tabata tin un bestro den cura. Door
di e gezondheids verordering cu tin di haber cu higiena, awendia ta haya baño

paden di cas y no pafo den cura.

Por ultimo, e control ariba e cuminda, e control di e muchanan, DVG ta zorg pa
e muchanan wordo controla of vigila di trempan, conhunto cu nan partnernan,

segun Sr. Jerry Staring, cu ta contribui cu salud publico, manera Wit Gele Kruis
y SABA.