Page 10 - MIN JUS 16 JUNE 2017

Mayornan ta bay entrega e procedure aki na Corte di Apelacion, pa wak si e decision di
e Fiscal ta na su lugar of no.

Abogado mr. Faarup a señala cu e Fiscal ta bisa cu tin cierto detayenan den e caso,

pero cu asina mes no tin un caso pa persigui e persona.

Mayornan no ta di acuerdo cu e opinion aki pasobra nan ta haya cu tin detayenan cu
segun nan punto di bista, e conclusion ta suppose di ta cu mester por persigui e

persona.

E abogado ta haya cu mester laga un Huez dicidi si e persona ta culpable of no, si el a
comete infraccion of no, pero no lague den man di Fiscal pa e dicidi di no persigui’e.

E hecho cu Fiscal a tuma un decision ta mustra cu tin fayonan den e investigacion y nan
ta spera cu Corte di Apelacion mire na un manera diferente y duna indicacion na e
Fiscal cu nan mester persigui e persona, a base di kico tur tin den e caso aki. Manera ta

conoci Corte di Apelacion ta na Curacao, y otro siman e abogado ta bay presenta e
procedure. Generalmente, segun el a indica, no ta tarda hopi pa tuma un decision y den
e caso aki nan ta spera cu esaki sosode lihe.