Page 37 - AWEMAINTA

AWEMainta Diamars, 22 Augustus 2017 37

Paseo Herencia a desvela busto

di sr. James Edgar Connor

RIBA diabierna, 18 di augustus Management di
Paseo Herencia conhuntamente cu Famia Connor a
homenegia mr. James Edgar Connor durante un ano-
chi masha anemo. Edgar Connor a nace na aña 1939.

Na aña nan 1950, na un edad hopi hoben Edgar a
immigra for di Trinidad pa Aruba y asina introduci
steelpan music na nos isla. Edgar tabata traha steel-
pan for di bari di azeta, e tabata stem nan, toca nan
y duna les di steelpan.
Dor di Edgar su dedicacion y pasion pa musica di
steelpan el a haya e nomber di cariño “Panman” y
asina el a lanta e grupo cu existi te dia di awe gunto
cu famia Connor cual ta Aruba Invaders Steel Or-
chestra. 10 aña pasa Paseo Herencia a dedica nan
Amphitheater na Edgar Connor.

Awor despues di 10 aña a pone busto na honor di sr.
Edgar Connor. Den pasado Paseo Herencia a pone
busto di politico nan cu e influencia Aruba su historia
y cultura cual ta sr. Henny Eman, sr. Betico Croes y
sr. Juancho Irausquin y nos “Mama di Cultura” sra.
Bernadina Growell.
E persona cu a traha e busto nan den pasado incluy-
endo esun di sr. Edgar Connor ta e talentoso sra.
Maritza Erasmus.

Durante e evento Ruben Garcia hunto cu Paula
Engelen a entretene tur invitado nan.
Tabatin diferente show y a conta e historia di sr.
Edgar. Ruben a invita publico pa pasa na e busto
p’asina desvela esaki hunto. Un invitado muy espe-
cial tabata nos “Tata di Cultura” Padu del Caribe cu
tambe tabat’ey presente pa gosa di e anochi.

Paseo Herencia ta un mall cu semper kier educa
turista y local di e historia di Aruba. Pa nan e ta un
honor di por a revela e busto di sr. James Edgar Con-
nor y ta invita pueblo completo pa pasa wak e busto
cu ta situa na e muraya di e Amphitheater net na e
trapi pa subi pa bay The Cinemas.