Page 105 - KPA
P. 105
Tres luna y 13 dia ta busca prueba
July 11, 2017
40
ORANJESTAD(AAN): Cu un Modus Operandi awor mas bisto den pueblo y creando
mas duda atrobe den e sistema hudicial su forma di ‘traha’ ta parse cu cada biaha cu e
politico popular Paul Croes bishita su pueblo, ta core busca hende pa interoga y of
detene pa crea sensacion y purba kibra e character di e politico.
Ela bira mas bisto pero tristo alaves, cu cada biaha cu e politico Paul Croes sali
den pueblo, ta parse cu kier silencie, dunando oposicion chens di lastre na nan
antoho na un forma inhusto e increibel den pleno aña electoral.
Tur esaki ta sigui crea impresion cu esaki ta nada otro cu un investigacion di
indole politico y cu ta induci pues cu influencia di e partido di oposicion y
oponentenan envidioso contra dje, cu ta hambra pa corta e politico su halanan.
Ta di lamenta cu e forma di proceder aki kier crea un politica di miedo y
muestra di poder con instancianan justiciero ta move cada biaha cu nan ripara
cu nan no por kibra e popularidad di e hoben politico drs.Paul Croes.
