Page 106 - KPA

Tur esakinan, segun observadornan ta keda crea duda den nos sistema judicial,
nan forma di proceder cu mester ta recto, husto y corecto den nan manera di
anda cu ciudadanonan di nos pais, ken cu e por ta.

Tambe observadornan politico ta haya sumamente lamentabel y ta sinti cu e

forma con OM ta trese nan informacion pa prensa referente e politico su
stichting, ta hasi como sifuera algo malo y contra ley y tildando di yen cos malo,

siendo cu mayoria si no ta TUR politico aki na Aruba tin nan stichting cu pa
maneha nan campañanan y eventonan politico. No ta solamente na Aruba pero

internacionalmente. Pensa riba The Clinton foundation e.o.

Observadornan ta sinti cu ta casi imposibel pa keda sin pensa cu politica sushi a

penetra mescos veneno den departamentonan di husticia y ta usa esaki como
arma contra un partido y politico den aña di campaña, algo hamas bisto na e

isla aki. Manera e abogado Sra Vaders a bisa durante e conferencia di prensa
ultimo, ta spera cu un dia cu nan presenta cu supuesto pruebanan cu nan ta

buscando despues di mas di tres luna, cu e hoben politico lo por haya un fair
trial dilanti corte imparcial, aunque tin duda serio riba e ultimo aki tambe.

‘Character assesination, target politico, heksenjacht’ , con cu bo kier yame e
aña aki tin un nomber y fam PAUL CROES.