Page 96 - KPA

Na warda di Shaba tabata tin “End Of Watch” pa Tino Ruiz e
ruman di sanger blauw

Tuesday, 11 July 2017 22:13
1

Comparti

Na Warda di Shaba diamars atardi pasa di 6or tabata tin un ceremonia official di despedida. A duna
honor na e agente Policial Tino Ruiz cu dia 3 di Juni ultimo a perde su bida ora el a bay duna asistencia.
Tabata momentonan caminda famia y un cantidad grandi di colega a bini hunto pa asina despedi den un
forma oficial. E restonan di Tino Ruiz mes no tabata tey, pero tabata momento pa coleganan por a
consola otro y consola e miembronan di e famia cu tabata tey. Pader Jairo Maduro a manda e bendicion y
haci oracion. Hefenan di Polis cu a traha cu Tino Ruiz a hiba palabra. E no tabata momentonan facil. Alto
Comisario Dolfi Richardson a hiba su discurso, hefe di e seccion Uniforma Eric Soemers tambe a dirigi su
mes na esnan presente. Mescos varios colega di straatdienst a expresa nan mes cu un poesia of un
cancion di despedida. E poesia di Joonchi Kock a conmove e coleganan presente. Haydee Nadal a dirigi e
atardi na warda di Shaba. E tabata e “End of Watch” di Tino Ruiz. Coleganan di klas tempo el a drenta
scol di Polis, coleganan di su ploeg na warda di Noord y tambe su solega cu semper e tabata sali patruya a
prepara un discurso. Tin cu por a presenta e discurso pero tabata tin otronan cu no a logra esaki mirando
e situacion dificil cu nan ta pasando aden. Pa sera e ceremonia a tene Centralist y encarga cu Central di
Polis, Sr Libier haci e yamadanan na e colega Tino Ruiz. Despues di algun yamada sin contesta a yame
ayo. Djey a cende bela y zona e sirenanan pa basta largo clausurando asina tambe e anochi di despedida
official pa Polis na Warda di Shaba. Den diferente discurso por a scucha e palabra cu Un Heroe ta Biba pa
Semper. Despues di e zonido di sirena y luznan blauw a pasa desea palabranan di forsa na e famianan
presente. Diaranzon ta e dia mes unda lo hiba Tino Ruiz pa su ultimo lugar
di sosiego na Noord.