Page 99 - KPA

Den e ultimo simannan a mira diferente cuestionamento y discusion cu a tuma luga den e
forma di procede di Alto Comisario di Cuerpo Policial. Kedando riba e mesun topico di
husticia, tambe na cierto momento informacion a wordo treci dilanti cu e partido na mando

ta buscando un candidato nobo pa ocupa e posicion di Minister di Husticia. Mustrando di e
forma aki cu porfin ta sinti locual cu comunidad tambe ta sinti.

Banda di tur locual cu POR a traha riba dje y cu tin den e “Plan di Accion” pa loke ta
husticia/seguridad POR ta trata cierre di nos fronteranan (aumenta control) y revision di
leynan, particularmente cu ta contra desaroyo economico di Pais Aruba (revisa castigo di
crimennan cometi cu ta afecta nos pilar economico esta turismo). Otro aspecto hopi

importante cu POR a trece pa dilanti ta cu atencion mester wordo brinda na e Cuerpo
Policial. Mester bin bek cu diciplina y respet di ariba te abou y di abou te ariba den nos

Cuerpo Policial, pa por gana e respet den comunidad cu cuerpo policial mester tin. Pa haci
esaki, POR a bisa na diferente ocasion cu mester tin personal di Cuerpo Policial mas
presente. Nos Cuerpo tin rond di 400 polis actualmente, practicamente e mesun cantidad
cu tabatin 15 – 20 aña pasa, mientras cu tin un falta di riba 200 miembro di Cuerpo Policial

na e momentonan aki. E motibo di esaki ta pasobra a cera Scol pa Polis na 2014 y 2015,
cada biaha ta corta mientras cu ta gasta den cosnan cu no ta prioridad den comunidad,

lider di POR Otmar Oduber a trece pa dilanti.
“Nos como partido POR a bisa cu den e periodo di 2017 pa 2021, Scol pa Polis mester ta
habri tur aña. Nos mester “werf” un cantidad di mas o menos 200 persona (cada klas ta

produci 25 persona), pues den e 4 añanan lo por produci e 200 miembro di polis adicional
cu ta necesario.”
Si ta cuestiona con lo paga pa esaki y for di unda e fondo nan ta bin, sr. Oduber ta mustra

cu a base di e presupuesto di Cuerpo Policial di 2017 ta mira cu na salario y toelage di
henter Cuerpo Policial ta pagando casi 35 miyon florin y na overtime ta paga casi 11 miyon
florin (30% di gasto di salario). Esaki lo por cubri tur e 200 hendenan cu kier pone traha

adicional (gasto pa manda persona scol pa polis ta 40 mil florin). Pues si mantene tur e
klasnan pa e añanan meciona, ta yena e bashi cu na su turno ta baha e stress cu tin riba
personal di Cuerpo Policial. Si pone adicional 40 vehiculo pa polisnan circula akinan na

Aruba cu por “lease” pa 3000 florin pa luna, e costo total di esaki ta menos di 1.5 miyon
florin pa aña y por redobla e presencia di polis riba Aruba. “4 aña for di awe lo papia di un
presencia di Cuerpo Policial cu lo triplifica entre vehiculonan y personal, esey ta e caminda

cu mester cana. E caminda cu partido POR ta bisa cu no por ta posibel cu den e era aki un
auto di polis ainda no tin un Ipad pa sincronisa informacion di instancianan manera