Page 26 - ATA - APRIL 30 , 2015

E dependencia riba turismo ta halto y pa tal motibo e enfoke ta sigui ta basa entre otro riba e
desaroyo di un turismo sostenibel, cu ta un parti integral di e maneho di turismo pa Aruba y di
loke A.T.A. y socionan den turismo ta enfoca riba dje. Sostenibilidad na nivel di no solamente e
producto, pero tambe den e forma cu ta comercialisa e isla, con ta inverti den mercadeo, con pa
maneha OPEX (Operational Expenses / Gastonan Operacional), e fondonan, empleadonan y
mucho mas. E resultadonan di esaki pa cu 2014 ta inclui den e rapport anual 2014.

Manera tabata e caso ya caba pa e ultimo tres añanan, A.T.A. a cumpli debidamente cu ley door
di presenta su relato anual 2014 prome cu promer di april na e Junta di Supervision di Aruba
Tourism Authority.

“Transparencia ta un di e obhetivo principal den maneho pa cu Aruba Tourism Authority desde
su inicio como un institucion Sui Generis. Un maneho transparente, incluyendo finanzas
transparente, trabao cu ta carga pa profesionalismo y e experticio necesario ta forma parti
integral di e vision pa A.T.A. y di e logronan pa 2014 cu no por califica di ningun otro manera cu
ta “logronan impresionante”, asina Minister Otmar Oduber ta relata cu un orguyo singular.

“Aña pasa, entre otro A.T.A. a finalisa e plan di maneho te cu 2017, na unda ta proyecta e
desaroyo di Aruba su turismo te cu 2017, actividadnan di Aruba Tourism Authority cu ta inclui
un enfoce mas amplio riba e desaroyo di e producto ‘Aruba’ y ta delinea diferente accionnan pa
sigura cu e maneho di turismo ta worde realisa y cu metanan ta worde alcansa of sobrepasa. Lo
sigui enfoca riba efectividad y eficiencia y riba un maneho debido pa cu mercadeo di Aruba y pa
cu desaroyo di nos isla”, asina Ronella Tjin Asjoe-Croes a enfatisa.

A.T.A. ta gradici Minister di Turismo, Junta di Supervision, tur socio manera A.A.A.,
A.H.A.T.A., A.T.S.A., A.P.A., A.G.A. y tur otro pa e sosten grandi durante aña 2014. Tambe a
gradici empleadonan kende tabata presente pa nan trabao den completa un rapport annual un
biaha mas y mas importante ainda pa e bunita resultadonan cu ta inclui den e rapport annual di
oficina di turismo di Aruba.

http://www.diario.aw/2015/04/aruba-tourism-authority-a-entrega-rapport-anual-2014/