Page 73 - AHATA

Minister Ruiz-Maduro A Confirma Cu: CAFT A

Conseha Conseho Di Minister Di Reino Pa Duna Pais

Aruba Un ‘Aanwijzing’

 Local
- 14/10/2019

Minister Xiomara Ruiz-Maduro ta informa cu CAFT no ta satisfecho cu tur e trabounan
cu Gabinete Wever-Croes ta haciendo. Apesar cu CAFT a duna un evaluacion positivo
riba e cifranan di e di dos kwartaal di e aña aki, CAFT a conseha Conseho di Minister di
Reino pa duna Pais Aruba un ‘aanwijzing’, asina Minister Xiomara Ruiz Maduro a
confirma ayera tardi.

PROTOCOL DI NOVEMBER 2018
Desde aña 2010 Gobierno di Aruba a bin ta cera Protocol cu Hulanda den cual ta indica
cu lo bay atende cu e finansa di nos Pais p’asina yega na un finansa publico manehabel.

Den cuadro di esaki a cera un Protocol den 2013 den cual a indica cu si cumpli cu algun
meta, Aruba lo por haya hasta placa fia via Hulanda na interes reduci, un ‘zachte lening.’
Ma e situacion financiero di Aruba desde 2010 a bira pio te cu na 2014, Hulanda a
interveni via Gobernador pa no firma e presupuesto di Pais Aruba pa 2015.

A dicidi di pone Aruba bou supervision financiero di CAFT y den e ley di CAFT a pone
normanan pa deficit pa añanan 2015 te cu 2018.