Page 13 - KPA

AWEMainta Diasabra, 28 October 2017 23

Detencion di dos sospechoso y arma di candela y municion confiscá

WILLEMSTAD - Diabièrnè 27 òctober 2017, den oranan
di mainta Polis a detené dos (2) hòmber sospechoso relacioná
cu algun caso di menasa cu arma di candela, ladronisia(nan) cu
violencia, encubrimento y violacion di e ley di arma di candela
cu a tuma lugar recientemente.

Durante di un investigacion cu a tuma lugar na algun cas na Sero
Grandi Polis a haña y confiscá un cantidad di arma di candela,
municion y algun otro artículo.
Ayera, diabièrnè 27 òctober 2017 alrededor di 05.00 or di
madruga, Departamento di Rechèrche (veel voorkomende Crimi-
naliteit), Team di Aresto y Personal di Mantencion di Òrden
Público cu cooperacion di Korps Maniniers a haci un entrada
hudicial na cinco (5) cas den e área di Sero Grandi.

E investigacion den e caso(nan) ariba mencioná tabata andando
y ayera a culminá den detencion di dos (2) hòmber sospechoso:
1. M.A.Z. 19, aña di edad (ladronisia cu violencia, menasa cu
arma di candela y violacion di e ley di arma di candela): 2. M.Z.
44, aña di edad (ladronisia y encubrimento)
Ámbos sospechoso ta naci na Còrsou.
Durante di un investigacion den e cas, Polis a haña y confiscá:
Nuebe (9) rifle; Un cantidad di bala skèrpi di diferente caliber
(2 bala caliber 22, 8 bala caliber 32 largo, 46 bala caliber 357
‘Magnum Super Hollow Point’, 50 bala caliber 380 “Win Auto”:
Un balansa: Dos (2) Paña di Camuflahe: Un (1) par di zapato
di seguridad: Mascarada; Dos (2) motor di boto y ‘trilplaat’.

A presentá e sospechosonan dilanti di un Fiscal auxiliar kende
a ordená nan encarcelamento pendiente di mas investigacion.