Page 16 - MIN VOS 9 MAART 2016

Conoce e atletanan hubenil a logra e galardon di
Premio Excelencia den Deporte

on: March 08, 2016In: DeporteNo Comments

Print Email

Durante di un anochi di gala lo haci entrega di e maximo galardon na e atletanan cu a destaca den e
aña deportivo 2015. E prestigioso evento Premio Excelencia den Deporte ta unico den su estilo
mirando cu e ariba e dia ey nos miho deportistanan femenino y masculino den tur edad ta bin hunto
pa asina wordo reconoci pa nan logronan den e aña deportivo tras di lomba. Cada logro a bin cu su
motivacion, sacrificio, esfuerso y determinacion, cada atleta kier a demostra cu e ta e digno
representante di su deporte. Desde e premiacion na aña 2003, atletanan den diferente ramo di
deporte den e categoria deportista hubenil femenino y masculino (14 -18 aña) a logra gana e premio
maximo y bira Aruba su Deportista di Aña, sea ta e momento ey of algun aña despues. Atletanan
manera Sarah Quita Offringa, Allyson Ponson, Micky van der Vaart y Renze Postma tur a triunfa
den e categoria hubenil prome cu nan a logra gana e premio maximo como Aruba su deportista di
aña. E aña aki pa di 13 biaha consecutivo, un comision consisti di representantenan di e organonan
deportivo manera Aruba Sport Unie, IBISA, Ministerio di Deporte hunto cu e reportero y/of
redactornan deportivo di prensa, radio y television, den un forma organisa y imparcial ta studia y
repasa e curiculo di tur e nominadonan, pa na final scohe e deportista di aña y reconoce e figura
deportivo pa nan prestacion.