Page 17 - ARENDS_Neat
P. 17
22 AWEMainta Diamars, 2 Mei 2017
Pabien na MEP y Evelyn Wever-Croes
MEP y su lider ta
creciendo cada dia mas
DEN un actividad completamente yen desde oranan
trempan di atardi na compleho deportivo Frans Figa-
roa, partido MEP a lansa candidatonan nobo: Karel
Jeandor, Roderich lopez y Arthur Vallejo. Den nan
discursonan inaugural nan cada un a gradici lider di
partido Evelyn Wever-Croes pa a invita nan pa bira
parti di e famia di MEP, y nan a gradici e coleganan
pa nan aceptacion.
Mas aun nan cada un a enfoca rib’e dolornan den
comunidad. Karel Jeandor a enfoca rib’e necesidad-
nan di nos pensionadonan, of e grandinan clasico
manera el a referi.
Roderich Lopez a enfoca riba nos hobennan y nan
necesidadnan. Y Arthur Vallejo a enfoca riba nos
cuido di salud y e necesidad grandi pa mehora esaki
y pa traha riba prevencion.
E acohida cerca a publico tabata grandi y cu un entu-
siasmo nunca antes bisto, simpatisantenan di partido
MEP a yama e candidadonan nobo bon bini.
Por a nota tambe cu e publico a sigui e discurso di
lider di MEP Evelyn Wever-Croes cu hopi atencion.
Evelyn a wordo introduci e biaha aki pa colega
Glenbert Croes ken a hacie na un forma espectacu-
lar, despues di un video di introduccion di yiu mas
chikito di Evelyn.
Glenbert a splica PAKICO mester vota pa MEP y pa
duna un hende muher e oportunidad pa lidera nos
pais.
E simpatisantenan di MEP a bin pa scucha kico ta
e vision di MEP, y esey mes Evelyn a comparti cu
nan, kico ta e vision di MEP pa Aruba y pa Noord
en especial.
Riba camindanan direccion pa Noord desde trempan
trafico tabata congestiona cu autonan cu bandera y
sticker di MEP, y por a nota claramente e efecto di
e car rally organisa pa e hala hubenil HOT. Autonan
decora cu blaas, peluche y bandera grandi a dorna
nos cayanan.
Esaki ta otro prueba mas cu MEP ta creciendo bou
di e liderasgo di Evelyn, na caminda pa eleccion dia
22 di september. Pabien MEP, y pabien Evelyn!
