Page 14 - ARENDS_Neat

AWEMainta Diamars, 2 Mei 2017
AVP a paralisa trafico diabierna anochi pa
Presenta su berdadero
representante di Paradera
17
MANERA ta custumber di Partido AVP, ora cu
organisa algo semper e ta grandi. Esaki tabata e caso
diabierna anochi atrobe durante presentacion di su
candidato nobo pa Paradera, Clayton Croes.
Den forma grandi AVP a sali cu parada for di San
Nicolas, Savaneta, Dakota, Playa y Tanki Flip a topa
otro na rotonde di Tarabana, yega hunto Paradera
pa introduccion di e candidato nobo.
E trafico bayendo caminda di Paradera di tur banda
a keda paralisa ora cu auto di simpatisantenan a sali
for di nan sede den e barionan ariba menciona.
E tabata algo cu ningun contrincante por a imagina
su mes cu lo por a sosode na inicio di campaña di e
partido berde,
Hendenan yena di emocion a para riba e caminda di
Paradera pa mira e lider y su ekipo triunfado yega
n’e sede na Paradera.
Lider di e partido berde, Mike Eman a subi riba jeep
unda cu el a wordo compaña pa Clayton Croes, ca-
minda a hisa e bandera berde grandi.
Mike Eman hunto cu su esposa Doina a saluda esnan
presente y a gradici e multitud cu a brinda nan apoyo
n’e partido pa demostra cu pueblo ta cu AVP.
Y asina Paradera a haya su berdadero representante.
E gigante berde a lanta y e trein berde a ranca sali y
no ta para mas te dia di eleccion.