Page 7 - MIN JUS_Neat
P. 7
Pa por tuma pasonan legal…
ORANJESTAD(AAN) Na Maart 2015 Zinnia Croes a perde su bida, despues cu el a wordo
alcanza pa un auto cu tabata wordo maneha pa un muher polis, kende lo tabata bao di
influencia di alcohol.
E polis a sigui den su funcion sin wordo persigui penalmente y e no a ni presenta dilanti
di huez, segun mayornan di e victima.
Mas cu dos aña a pasa y nan kier sa si algo ta bay sosode, of si e caso djis ta bay muri.
Pesey nan a tene un rueda di prensa Diamars na oficina di nan abogado Mr. Sven
Faarup.
Durante e conferencia di prensa, a puntra Faarup kico a hasi e caso aki diferente cu
otro casonan unda cu e chofer si a presenta na corte pa tratamento di un caso.
Segun e abogado, pa cuminza Ministerio Publico tin cu dicidi prome si e ta bay persigui
un hende.
Den e caso aki polis y Landsrecherche a hasi un investigacion y te hasta Hulanda a cay
aden, pasobra cierto cosnan no a bay corecto.
“Fiscal na su turno tin cu ricibi e informacion aki y e tin cu dicidi si e ta persigui e
persona si of no”.
“Despues di 2 aña ainda nos ta eynan, pues nos ta wardando si fiscal ta bay bisa cu e
ta bay persigui e persona of no”.
