Page 8 - MIN JUS_Neat

Esaki segun Faarup, kende a sigui bisa cu si fiscal dicidi cu e no ta bay persigui e polis,
e caminda ta habri pa e mayornan cuminza un proceso den corte di apelacion, pa wak
si e decision pa no persigui e persona ta corecto of no.

“OM a bisa verbalmente caba si cu mirando e file, no tin un caso penal contra e persona
cu tabata maneha e auto, pero esey ta keda e pregunta”.

Esaki segun Faarup, kende a bisa cu e caso aki no ta bay solamente riba e hecho si e
chofer a bebe of no a bebe alcohol.

Tin mas motibo cu por pone cu bo a causa un accidente y cu bo ta castigable pa esaki,
segun e abogado.

“Ta yegando un punto unda cu algo mester pasa, pa no mucho tempo pasa atrobe”.

Esaki segun Faarup, kende a sigui bisa cu nan a haya un bon indicacion caba cu OM lo
no persigui e polis.

Pesey ta wardando riba un carta oficial cu ta bisa esaki, despues di cual e famia por
tuma nan siguiente pasonan.