Page 78 - MIN JUS_Neat

Tur crimen ta yiu di Dowers pero ora tin famia di MEP
envolvi no ta haci politica barata cune

Tuesday, 02 May 2017 19:50
Comparti

Ora scucha MEP papia, ta parce cu cada hende cu comete un crimen ta yiu di Dowers, pero a bin resulta cu ta
mesun famia di lider di MEP ta comete e crimennan aki
, pero no a sali haci politica barata cune segun minister di Husticia. Tampoco no a bin sali bin
cu un mocion di desconfiansa contra su mes, cu ta meti den hendenan cerca, famianan cu ta
bende droga y cu ta den fraude y bagamunderia. E por pasa. Dowers si, cu ta meti den cosnan
cu no tin ni arte ni parte. Wever-Croes cu ta meti cu e hendenan meti den esaki, no ta saca un
conclusion esey. Ta culpa di Dowers si, cu su primo ta deal cu droga. Con por splica esey. Ta
importante pa pueblo compronde cu ora un politico haci politica barata cu dolor di hende, bo
ta haci politica barata cu cosnan cu bo sa cu bo no por cambia. Ta con Dowers, como minister
por strob’e di comete crimennan aki.Ta un cos pa Wever-Croes splica. Banda di esey ta puntra
dicon, ta asina vengativo, asina rabia contra sr. Paul Croes, djis pasobra e ta AVP y esunnan
MEP cu ta e mesun primonan, e ta bringa pa nan no haya castigo. Y pa tapa cu nan a haya
castigo.Pesey Dowers ta cuestiona, ki sorto di politico tin den Parlamento. Ki sorto di hende tin
cu ta bisa cu nan kier ta e lider. Dowers, por hinca su confianza den man di un hende cu na
momento cu e ta sospechoso, no ta condena, ta wordo condena caba. No ta respeta e proceso
hudicial. No ta respeta hues. Unico cos cu e kier ta mira sanger drama di un hende cu no ta
sostene MEP. Ta un tendencia politico peligroso. Por a mira awe, con e hendenan aki ta trata
nan mesun famia. Ta bisa pueblo, pa sea hopi cauteloso cu MEP. Como ministerio di husticia,
semper ta respeta tur proceso legal. Ta respeta cu investigacionnan ta cana y ta respeta tambe
cu si haya un condena, ta wordo trata decente den comunidad. E hendenan aki ta mira si bo ta
MEP of no ta MEP. Si bo ta MEP, bo ta haci crimen y get away with it. Si bo ta un otro partido
politico, nan ta condenabo prome cu hues a condenabo. Ta un tendencia peligroso den e pais
aki. Dowers no ta kere cu e cos aki por ta den un democracia. Ta spera cu pueblo ta hopi
conciente di e riesgo grandi cu ta core, si pone confianza den hendenan asina vengativo y asina
negativo y asina abusador tambe.

http://www.24ora.com/index.php?option=com_content&view=article&id=121373:tur-crimen-ta-yiu-di-
dowers-pero-ora-tin-famia-di-mep-envolvi-no-ta-haci-politica-barata-cune&catid=1:local&Itemid=5