Page 81 - MIN JUS_Neat

Victima Canades di asesinato Jaburibari

a keda identifica

Posted on 05/2/2017 10:15 pm AST | Updated on 05/3/2017 1:07 am AST

ORANJESTAD – E victima di e caso di asesinato a keda identifica. “Su famianan a
wordo poni na haltura di su morto “ Ann Angela, vocero di ministerio publico a bisa
Noticiacla.com. Esey no kiermen cu nan ta cla pa duna e informacion publicamente, sino
mas bien ta pa informa e famianan y continua cu e investigacion. Mayan mientrastanto lo
haci e autopsia riba e curpa, pa indica exactamente kico e forma di morto tabata. E unico
cu Angela por y kier a bisa di e victima, ta pa confirma cu e ta un Canades. “Tin varios
sospechoso, y ningun di nan no ta Arubiano. Tur ta stranhero” Angela a bisa. A mustra
mes momento cu ta cauteloso pa bisa cu cuanto detencion tabatin relaciona cu e caso
“mirando cu e total no ta definitivo ainda” Angela a bisa. No tabata cla pa bisa cu si e
caso di asesinato tabata relaciona cu e persecucion algun rato despues.

E CASO

Manera a raporta inicialmente, un homber a keda asesina dialuna marduga na un cas na
Jaburibari. Vocero di polis Lito Lacle a confirma pa NoticiaCla.com dialuna cu pa 05.21
e melding a drenta via Centrale Post cu un persona a wordo asesina na Jaburibari. Ora
patruya a yega na e sitio en berdad a constata un persona drumi ariba vloer cu no ta duna
señal di bida.

http://www.noticiacla.com/news/9477