Page 24 - MIN ON JAN 15,2016

AWEMainta Diabierna, 15 Januari 2016
Conseho di Studiante di
IPA cu “Food & Bake Sale”
durante IPA su Dia Publico
dia 16 di januari 2016
21
DURANTE IPA su dia Publico, diasabra
awo dia 16 di januari, lo tin un Food &
Bake Sale organisa pa IPA su Conseho
di Studiante (SIPA). E benta di cuminda
aki tin como meta pa recauda fondo pa
diferente actividad y proyecto cu SIPA a
plania pa aña academico 2015-2016. SIPA
ta traha na beneficio di e studiantenan
di IPA y ta bin cu proyecto pa cambio
y mehoracion di e. o. facilidadnan p’e
studiantenan di e instituto. Banda di esaki
SIPA ta asisti na diferente seminario, tayer
y congreso ambos local y internacional.
SIPA lo bende e. o. bolo, cookie, sopi, y
mas.
IPA ta invita Aruba completo pa asisti
na su Dia Publico p’asina cera conoci cu
nos instituto en general y e ambiente
estudiantil en particular, conoce nos
facilidadnan y tambe pa haya informacion
di loke IPA ta haci. IPA ta invita tur
studiante di HAVO, VWO, EPI, IBERO y
tur otro persona interesa pa cuminsa un
estudio pa maestro pa asisti n’e Dia Publico
aki dia 16 di januari 2016.
IPA su Dia Publico lo ta di 10’or di mainta
te 2’or di atardi. Durante e Dia Publico
aki lo duna informacion general di e
estudio di maestro. Lo tin presentacion
di proyecto di studiante y exposicion di
e diferente areanan di formacion di e
estudio di maestro pa haya un miho bista
riba kico e estudio ta encera. Esakinan ta
e. o. Studenten Services, Biblioteca IPA,
Sector Naturalesa y Tecnologia, Sector
Pedagogia, Bureau Praktijk, Sector Hende
y Comunidad, Centro di Investigacion y
Desaroyo pa Enseñansa, Sector Idioma y
Comunicacion, Sector Matematica y Sector
Arte.
Naturalmente lo tin oportunidad pa inscribi
como studiante pa e estudio pa maestro di
enseñansa primario. Pa por inscribi na
IPA mester trece e papel di registro civil
(papel di AWG 5,-), si a gradua caba copia
di diploma di sea HAVO, VWO, MBO nivel
4 of IBERO. E gastonan di inscripcion ta
AWG 75,-. Studiantenan di examenklas
di HAVO, VWO, MBO nivel 4 y IBERO
tambe por inscribi di awo aki caba p’e aña
academico binidero.
Pa mas informacion por tuma contacto
cu Studenten Services na 5243100 of por
bishita nos pagina di Facebook: Instituto
Pedagogico Arubano. Of por bishita nos
website www.ipaaruba.com.
Di e manera aki IPA ta brinda henter
Aruba un dia special di orientacion, yen di
informacion y actividad.