Page 28 - MIN ON JAN 15,2016

28 AWEMainta Diabierna, 15 Januari 2016

Ministerio di Enseñansa ta
fomenta mas colaboracion entre
lidernan di scol

Na
Universidad
di Aruba
a celebra
graduacion di
24 cursista

MINISTER MICHELLE Hooyboer-Winklaar

ta felicita e 24 graduadonan di e curso Education
Leadership for Collaboration, kendenan e siman aki a
ricibi nan certificado. Esaki tabata e di dos tanda di e
curso cu tin un nivel “post bachelor” y ta specificamente
diseña pa lidernan di scolnan for di kleuter te n’e nivel
di mas halto.

Juliette Chieuw, kende ta coordinador p’e Centro di
Quality Assurance di Universidad di Aruba ta splica cu
e curso tin un duracion di nuebe (9) luna y tin como
meta pa cultura e procesonan, habilidadnan, actitud,
conocemento, y acercamento pa cu colaboracion entre
lidernan di institucionnan di educacacion na cualkier
nivel.
Chieuw a diseña e programa, cual ta wordo financia via
Onderwijsfonds pa medio di Ministerio di Enseñansa,
hunto cu su colega di Canada Jeanette Sanders.

Minister di Enseñansa Michelle Hooyboer-Winklaar
a mira un balor grandi añadi n’e funcionamento di e
sistema di enseñansa en general si tin mas colaboracion
entre e lidernan y ta contento tambe di wak e acogida
y follow up cu e curso aki ta hayando.

“Sea t’e programa aki, of cualkier otro programa di
‘Professional Development’, e ta forma parti esencial
di nos maneho pa cu educadornan.
Training, curso, charla, workshop of cualkier otro
programa educacional ta keda importante pa sigui
inverti den nos maestro y docentenan”, e mandatario
a enfatisa.

Universidad di Aruba ta hopi contento y orguyoso di por
ofrece e programa aki y yuda fortifica e colaboracion
entre lidernan den enseñansa.
Julieette Chieuw ta expresa cu nan ta contento cu e
trabao duro, energia y dedicacion cu cada cursista a
pone den e programa.