Page 13 - MIN JUS 3 JULY 2017

Maneho nobo relaciona cu e ley di establecimento pa negoshi

Monday, 03 July 2017 08:55
1

Comparti

Departamento di Asuntonan Economico ta informa cu desde 23 di mei 2017 Minister di Asuntonan
Economico a introduci un maneho adicional/nobo referente e lugar di establecimento conforme e Ley di
establecimento pa negoshi, e asina jama “Vestigingsverordening Bedrijven” (VvB).

Conforme articulo 6 di e ley aki e Minister di Asuntonan Economico ta autorisa (bevoegd) pa pone e.o.
reglanan concerniendo e actividad comercial y e lugar di establecimento di e negoshi. A base di esaki
reglanan a wordo stipula pa casonan cu ta trata e lugar di establecimento di negoshi cu mester permiso
conforme e ley ariba menciona, specificamente den un area residencial. Den area residencial e prioridad
ta pa residencia, pesei kier evita cu un negoshi ta wordo estableci di cual su actividad por trece molester
den e areanan aki door di p.e. hopi sonido of vibracion, hopi trafico of problema cu parkeo y actividad cu
ta reduci e balor di e propiedadnan di residencia. E actividadnan aki ta wordo menciona den e ley di
“Hinderverordening” y otro actividadnan stipula, cu lo wordo agrega na e ley aki. Lo por duna permiso
den areanan residencial pa actividadnan cu no lo causa e molesternan ariba menciona.

Pa menciona algun p.e. oficina administrativo, agencia di seguro, consultorio medico,
houdstermaatschappijen. Un peticion pa un permiso conforme e Ley di establecimento ta wordo evalua y
ta wordo mara na e siguiente condicionnan. 1.E peticion mester cumpli cu e Ley di establecimento di
negoshi “VvB”; e maneho di establecimento di negoshi (Richtlijnen VvB) y Legesbesluit DEZHI; 2. E
negoshi concerni mester cumpli cu e normanan di parkeo, conforme e maneho di D.O.W. Areanan
comercial a wordo stipula y esaki nan ta parcelanan cu ta directamente na camindanan principal of otro
cayanan cu ta conecta cu esakinan y di cual comercio ta e actividad principal. E camindanan/direccion
nan aki a wordo stipula. Tambe ta recorda cu entrante 23 di mei 2017 Minister di Asuntonan Economico
a anuncia un moratorio riba establecimento relaciona cu benta di e.o. comestibles, conoci como
supermarket/minimarket. Esaki pa un periodo di 2 anja. Pa mas informacion por tuma contacto cu e
Helpsdesk medewerker di Departamento di Asuntonan Economico. Dialuna pa diabierna durante orario
cu ta atende publico 7:45 – 11:30 a.m. & 1:15 – 4:00 p.m. Riba diamars y diaranson merdia no ta atende
publico.

Comentarionan (0)