Page 9 - MIN JUS 3 JULY 2017
P. 9
12 AWEMainta Dialuna, 3 Juli 2017
Accidente di tráfico cu morto
WILLEMSTAD - Diadomingo 2 di jüli 2017 alrededor di 03.06’or di
madruga, Central di Polis a dirigí un patruya p’e caminda cu ta bay Willibror-
dus na altura di Hermanus pa un accidente cu un (1)herido grave.
Na yega di e patruya policial nan a bin topa cu un auto di bòlter cu hòmber
aden.
For di un investigacion preliminar cu Polis a haci n’e sitio, a sali na cla cu e
hòmber (chofer) di e auto aki tabata coriendo riba e caminda di Willibrordus
direccion pabou.
Pa un motibo cu te n’e momento aki ta desconocí, e chofer di e auto aki a kita
na su man robes y a bay dal den un pipa di hero/curá di betòn y bòlter.
Na yegada di e patruya policial e chofer di e auto no tabata duna señal di bida
mas.
Alrededor di 04.30’or di madruga, dòkter di Polis a constatá morto di e víctima
(chofer) aki, Egbert Pablo Boutisma, naci na Còrsou 17 augùstùs 1964 (52 aña).
E víctima a fayecé a consecuencia di múltiple lesion cu el a sufri durante di e
accidente.
Departamento di Tráfico ta continuá cu e investigacion.
