Page 57 - MIN JUS 3 JULY 2017

Polis a haya 3 auto nobo pa sigui cumpli cu nan trabou

Sunday, 02 July 2017 20:07
1

Comparti

Diabierna mainta a tuma luga entrega oficial di 3 auto marca Toyota modelo “Pickup Hilux 2017” na
Cuerpo Policial di Aruba, como parti di un programa ‘master plan’
cu ta percura pa material pa Polis. Desde aña 2001 Cuerpo Policial tin un colaboracion cu Aruba
Hospitality & Security Foundation, den cual Polis ta pone personal disponibel y di otro banda nan ta
yuda cu material.
Alto Comisario mr. Adolfo “Dolfi” Richardson a indica cu parti di e proyecto ey ta cu nan a ricibi 3 Toyota
Hilux cual Polis por sigui haci su trabou. E autonan aki ta pa nan “Visibility Team”, di cual 1 lo bay pa
patruya na San Nicolas den area di Baby Beach y otro areanan turistico, 1 pa Oranjestad na e oficina di
Visibility Team na Renaissance Marketplace pa controla den e area di centro di ciudad y waf di crucero y
1 lo staciona na Strand Politie pa uza durante patruya rond di e area turistico banda di nos hotelnan y
beachnan.
Polis a keda masha contento cu nan autonan nobo pa sigui reenforsa nan flota di vehiculonan cu ta uza
den nan esfuerso pa tin mas “Blauw riba caya”. Algun siman pasa e mesun AHSF a entrega Cuerpo
Policial 2 auto marca Toyota modelo RAV4 cu tambe ta destina pa e mesun tipo di trabou asina.
Tanto Jim Hepple di AHSF como Ronella Tjin Asjoe-Croes di ATA a indica cu esaki ta un bon ehempel di
traha uni cu otro pa logra metanan grandi. Polis ta pone personal y ta mantene ley mientras cu for di
sector priva ta percura pa material. Di e forma aki Polis ta traha miho, e industria di turismo ta conta cu
mas presencia policial y control y turistanan y comunidad di otro banda ta biba mas sigur. E aña aki e
fundacion a ricibi no menos cu 5 miyon florin disponibel pa sigui inverti den siguridad, pa cual un gran
parti ta destina pa e Cuerp di Polis.
Alto Comisario Richardson a termina bisando cu esaki ta forma parti di un programa completo den cual
tin mas proyecto pendiente y cu lo anuncia dentro di masha poco.