Page 60 - MIN JUS 3 JULY 2017

Ta en espera di e ley pa combatimento di overlast cu e prome
comentarionan di Raad van Advies

Saturday, 01 July 2017 18:55
1

Comparti

Tin un ley di overlast cu ta pendiente pa wordo trata. Segun Minister di Husticia, Arthur Dowers, a splica
cu a anuncia cu a traha un concepto di ley cu ta pa combatimento di overlast.

A mande Raad van Advies y ta en espera cu e ley bin bek cu e prome comentarionan di RvA. Nan tabata
hopi critico riba e ley aki. Ta un ley cu Gobierno mes a skirbi y a uza un ley Hulandes pa cierto parti di
dje. E punto di salida ta cu ta kere cu mester tin e ley aki na pais Aruba, cu por reduci na momento cu
personanan ta causa problema pa sociedad. Te na e momento aki no tabata tin e instrumentonan
suficiente pa por a haci esaki. Raad van Advies hopi critico riba e ley, pero esey no lo bay demotiva
Gobierno pa sigui traha riba e ley aki y presente na Staten dentro di poco. Pasobra ta sinti cu na
momento comunidad ta duna indicacion cu tin tur e leynan cu tin existente, no ta bay suficientemente
leu pa por frena cierto desaroyonan negativo den sociedad, e ora tin cu actua. E ley aki ta un ley cu e tin
un embergadura hopi grandi. E tin un impacto tambe hopi severo riba e libertad di cierto hendenan, of
libertad tambe pa probecha cierto propiedadnan cu tin. Sinembargo ta kere cu ta hopi importante pa por
actua di un forma mucho mas structura cu tin esaki den e ultimo añanan contra cierto delitonan cu ta
tuma luga.
Tin dos. Un di nan ta e bendemento di droga cu ta tuma luga den cierto areanan den hopi aña for di cas y
edificionan cu cuerpo policial y tur departamento hudicial y tur medio cu a hinca aden cu ta costa hopi
plac,a no ta logra di frena esaki na un forma efectivo, ta yega na un conclusion cu mester por kita derecho
di un hende pa haci uzo di su propiedad, pa bende droga y ta causa problema den area. Por a mira den
diferente area, cu no solamente ta crea molester pa bisiñanan, pero ta crea un decadencia den e bario y
hasta ta mira cu e ta afecta e muchanan cu ta crece den e bario aki y ta bira adicto y victima di e situacion
aki. Ta pesey a dicidi cu ta bay over pa un ley caminda cu por cera un cas of edificio caminda cu droga ta
wordo bendi. Sea cu ta doño ta biba eyden of e ta wordo gehuur, ta cera e luga, sacabo for di e cas eynan
pa un cantidad di luna. Esaki claro por bay hues y si hues bay dia cuerdo cu e decision cu ta tuma den
cuadro bestuursrechtelijk, pero si ta kere cu mester haci esaki.

Gobierno ta bay duna su contestanan y ta mira ora cu yega Staten, con Staten su pensamento ta riba
esaki. Otro punto importante den e ley aki, ta aspecto cu lo kier duna e minister di Husticia e poder cu e
por actua contra menornan di edad. Por mira cu hopi biaha menornan ta causa hopi problema den
sociedad y no tin un instrumento legal cu por uza di un forma rapido pa influencia e comportacion di e
mucha. Raad ta critico cu e punto aki. Pero si tur hende ta laga nan responsabilidad para un banda y tur
hende ta mira den direccion di Husticia pa bin cu un solucion, un di e solucionnan por ta, prome cu bay
cera un mucha den un institucion of laga e mucha aki comete crimen cu e yega den prizon, cu por duna
guia y instruccion na e mayor di e mucha pa e por cumpli cu cierto normanan cu ta wordo stipula den
sociedad.