Page 6 - AM200706

6 AWEMainta Dialuna, 6 Juli 2020

Arubianonan deteni na Venezuela a

yega Aruba diabierna anochi

DIABIERNA den oranan di atardi noticia a cuminsa

circula cu e tres Arubianonan cu tabata deteni na Venezu-

ela a wordo laga den libertad, y nan tabata na caminda pa
Aruba. Esaki a sosode via lama.

Nos tur por corda cu den luna di maart ultimo e tragedia a

pasa, unda cu e tres hombernan aki hunto cu Paulus Mar-
tijn a bay pisca.
Esaki tabata riba un diasabra anochi, momento cu e tres

cabayeronan aki a drenta bek na San Nicolas y bati alar-

ma cu un compañe di nan a perde riba lama.

Algun dia despues a surgi un informacion cu lo a localisa

Martijn, y riba e dia ey e tres personanan aki aparente-

mente lo a sali direccion Colombia pa busca Martijn.
A surgi na tera un confusion lamentabel p’e famia, cu ta-
bata na Zeerover wardando. Pa despues haya sa cu no ta

berdad.

E dia eynan e tres piscadonan no a regresa Aruba mas,
unda cu a haya informacion cu nan lo a wordo deteni, pero
no na Colombia sino na Venezuela.

E cambio a wordo haci riba lama entre Venezuela cu Aruba,
o sea Coast Guard Venezolano a pasanan over pa Guarda
Costa Hulandes. Debi na lama bruto a tarda poco pa yega

Aruba.

Diabierna anochi nan a yega Barcadera, unda famia y
tambe DVG tabata wardando nan.

Pues un caso bastante fastioso, unda cu nan a wordo ares-

ta y cera pa algun luna na Venezuela.