Page 6 - LOTTO

AWEMainta Diahuebs, 24 Augustus 2017 17

Brazil Taekwondo a saca

potret na diferente lugar na

Aruba p’e kalender 2018

DURANTE di vakantie di scol, e team di Train
Hard Fight Smart di Brazil Taekwondo Stichting
a saca potret na diferente lugar pariba di brug p’e
kalender di aña 2018. Nan a saca potret na Grape
Field, Butuco, Mangel Halto y n’e oficina di Lotto
pa Deporte na San Nicolas.

Alberto Klabér t’esun cu ta saca e potretnan p’e kal-
ender aki y ta remarca cu esaki no ta bay facil cu e
muchanan. E ta tuma masha hopi tempo mes pa por
saca potret, pa despues evalua nan. Si e potret no a
sali bon, e no ta wordo poni p’e hurado scoge.
E hurado t’esnan cu ta scoge tur e potretnan p’e
kalender di aña 2018 y despues e directiva di Brazil
Taekwondo Stichting ta dicidi na unda e potretnan
ta bay den e kalender na cada luna.

Tur aña e calidad di e potretnan ta subi, esaki ta dor
di e camara di ultimo modelo cu ta wordo usa pa saca
tur e potretnan pa por tin bon potret p’e kalender
di aña 2018. E aña aki e team di Train Hard Fight
Smart a saca hopi potret na Korea y ta bay haci e
escogencia di potret mas dificil p’e hurado, pasobra
ta tur ta bunita.

Meta di e kalender di aña 2018 ta pa recauda fondo
pa material, biahe y e bus. Brazil Taekwondo Sticht-
ing tin un bus cu ta busca e muchanan pa hiba nan
training y despues bek pa cas y tambe pa tur e activi-
dadnan cu Brazil Taekwondo Stichting ta organisa,
pero awor e bus ta yegando na su ultimo rosea.