Page 8 - LOTTO

26 AWEMainta Diahuebs, 24 Augustus 2017

Mr. Aruba National

Body Building and

Fitness Championship

2017 na Marriott Hotel

and Stellaris Casino

DIABIERNA awor, 25 di augustus, Aruba Body-
building & Powerlifting Association lo tene su anual
competencia di Mr. Aruba National Body Building
and Fitness Championship 2017. Un competen-
cia di bodybuilding y fitness di nivel super halto
cu nos atletanan local lo ta participando n’esaki.
Cada aña e competencia organisa pa Federacion di
ABPA ta hala masha hopi atencion unda e aten-
dencia n’e evento ta uno grandi. E aña aki e par-
ticipantenan lo competi den e categorianan di Mr.
Aruba, Mr. Aruba Beginner, Women’s Physique y
Mens Physique, Ms Aruba Body Fitness and Bikini.
Algun siman atras Federacion di Bodybuildimg a score
cu e evento renombra di bodybuilding y fitness, esta
e Ben Weider Caribbean Classic Aruba 2017.
E evento internacional di bodybuilding y fitness cu sin
duda a haya su acogida cu un total di 90 participante
local y internacional. Pa prome biaha nos dushi isla
a conta cu un evento di taya mundial manera e Ben
Weider y cu a conta cu presencia di Presidente di Fed-
eracion Internacional di Bodybuilding y Fitness IFBB,
dr. Rafael Santonja. Es mas Aruba su atletanan fe-
menino a hasta logra conkista premionan historico cu
Monica Sanchez, kende a logra e titulo maximo di e
IFBB Bikini and Fitness Overall Champion y Michelle
Portier cu a triunfa den e categoria Women’s Physique.
Un danki sigur na Lotto, e Loteria di Aruba
pa medio di Comision di Subsidio cu a yuda
subsidia e competencia di Mr Aruba National
Body Building and Fitness Championship 2017.

Detencion pa maltrato

WILLEMSTAD – Diamars, 22 di augustus
2017, alrededor di 22:11, Central di Polis a dirigi
un unidad policial na Kaminda Turkuas pa un
bringamento. Na momento cu Polis a yega n’e
sitio ya e partidonan a bay for di e sitio. Polis
a sigui pa un cas na Stenen Koraal caminda e
victima di 15 aña di edad ta biba.
For di un investigacion preliminar cu Polis a haci
n’e sitio a resulta cu un dama lo a bringa cu e
hobensita, dor cu e ta pensa cu e hobensita tin
un relacion cu su pareha.
Polis a dirigi nan mes p’e cas di e dama sos-
pechoso den Stenen Koraal. Eynan nan a detene
e dama S.H.C. naci na Corsou di 49 aña di edad,
relaciona cu e maltrato ariba menciona.
A presenta e sospechoso dilanti un Fiscal Auxiliar.