Page 2 - Binder1
P. 2
Diasabra 28 di Maart 2015 O nlin e awemainta.com
Concierto
“In the Winds”
riba Freewinds
Den preparacion pa Special
Olympics World Games 2015
DIGICEL ya a inicia desde
2014 pa recauda fondo y
asina cuminsa cu ayudo
valioso p’e delegacion
di Aruba por
participa na Special
Olympics World
Games 2015, cu ta
tuma lugar na Los
Angeles, California.
Un total di 30 atleta,
super entusiasma a
participa den diferente
preparacion p’asina ta bon
prepara pa participa den e 7
diferente disciplina di deporte.
Esaki ta di 5 biaha cu Aruba ta participa na Special Olympics
World Games. Pa yega na un participacion na unda e atleta ta
bon representa, e organisacion ta organisa diferente actividad pa
asina yega na fondonan.Esaki lo t’e caso dia 11 di april 2015 unda
ta organisa Concierto “In the WInds” cu cantantenan popular
manera, Ron Martis, Jerino Ridderstaat, Miguel Genser, Ester
do Nacimento, Edseline Figaroa y baile di Pop Corn Dancers. E
concierto lo ta riba Freewinds y ta inicia pa 8:00p.m.
Rachelly Diaz Wester, kende ta forma parti di e 30 atletanan cu lo
ta representando Aruba na Los Angeles a conta di su experiencia
como atleta, con su preparacionnan ta bay den bowling y kico
e ta pensa di Aruba su support pa su team.“Ta importante pa
nos duna bek, pesey nos lo haci nos best y train duro”, Rachelly
Diaz Wester ta remarca, mientras e ta mira su otro coleganan
den deporte pa nan sosten.Aruba den su totalidad mester tuma e
palabranan aki y evalua e nificacion di duna un poco mas cu nos
por specialmente si ta trata di muchanan special.
Team Aruba lo participa den Bolas, Badminton, Atletismo, Ping
Pong, Landamento, Bowling y Futbol.
Tuyo Werleman, Director di Fundacion Special Olympic Aruba a
gradici Digicel pa nan sosten grandi p’e muchanan special.
Digicel ta asisti tanto cu fondo y cu eventonan pa recauda e
fondonan, pero tambe cu boluntario y fanaticonan pa anima nos
atletanan. E deportistanan ta conta tambe cu un sosten y apoyo
increibel den nos comunidad. Esaki ta algo cu Special Olympics
Aruba y e atletanan mes ta sumamente contento cune, nan ta
considera esaki un berdadero previlegio cu nunca tin suficiente
palabra pa gradici tur hende pe.
23
