Page 29 - 12Feb2022

DIASABRA 12 FEBRUARI 2022 DIARIO PAGINA 29

Fortaleza di Famia

Diasabra 12 Februari 2022
Tur famia mester
di e gracia di Dios

Skirbi pa: Pastoor Marcel Balootje

Pasobra e gracia di Dios a aparece treciendo salbacion na tur
hende, siñando nos pa renuncia, impiedad, deseonan mundano , y
pa biba huicioso, husto y santo den e siglo presente, wardando
riba e speransa bendiciona, y e aparicion di e Gloria di nos gran
Dios, y Salbador Cristo Hesus. (Tito Capitulo 2 vers 12 +13).
Na prome lugar ora nos ta renuncia algo ta nifica cu nos ta kibra
tur relacion existente.
Nos mester renuncia na tur impiedad, cual ta falta di pordon,ven-
gansa, odio, kibra mento di hende,perversidad ,orguyo y amargu-
ra, stop di biba den pasado di otro y asina laga cosnan bieuw bay,
y biba na paz.
Por ehempel como yuinan di Dios nos tin di renuncia idolatria,
bruheria, alcohol, droga, fornicacion, adulterio mentira y tur clase
di inmoralidad y corupcion.
Nos tin di saca tur e cosnan aki for di nos sistema, for di nos bida
y for di nos vocabulario, y locual ta mas importante: Hala aten-
cion pa medio di e palabra di Dios di tur esnan cu ta participa den
cosnan asina, pa nan entrega nan bida, arepenti y biba pa Cristo,
y cuida pa nos mes no wordo envolvi, ni tampoco seduci, pa
medio di sensualidad di Amistad, pasobra Cristo Hesus no ta
negocia cu maldad, solamente asina nos por haña liberacion den
nomber di Cristo Hesus.
Pasobra ora bo ta den un avion, bo ta wordo avisa, cu si tin tur-
bulencia, y e mascara di oxigeno cay, bisti esun di abo prome y
despues bo ta bay yuda otro hende. Nos mester para firme den
Señor, pa nos por yuda otro.
Como mayor bo no por stop bo yiunan di bebe of huma, of paran-
dia, mientras cu bo tin un bodega di alcohol y sigaria den bo hogar
y abo cu bo yuinan ta Saluda otro ora boso yega cas casi mainta
for di parranda durante siman y weekend. Abo como tata of mama
mester ta e ehempel pa tur hende den cas hasta pa e bisiña door
di biba un bida drechi y decente. 2 Corintionan capitulo 10 vers
6 ta bisa cu nos ta cla pa castiga tur desobedencia, una bes boso
obedencia ta completo.
Tur deseo cu ta trece impuresa den bo bida, ta deseo mundano, por
ehempel pornografia, cual ta hiba na adulterio y fornicacion y
abuso sexual tanto di mucha, como hende grandi cosnan cu
awendia ta wordo promovi den video y cantica, y pa cual ya no tin
ora pa presenta ni na radio ni tv, no conta mes di e libertinahe cu
tin riba internet.
Bo tabata sa cu un di e distraicion mas grandi cu ta pone huben-
tud cay den gara di abusadornan sexual ta e cantica nan vulgar
sin ningun base di decencia cu ta wordo toca y ta wordo scucha
continuamente, pa asina debilita e hoben su moral. Y pa astucia di
diabel net e canticanan ey ta mas solicita. Pesey abo como mayor
mester ta responsabel, y siña bo yiu renuncia e cosnan aki.
Nos mester busca santidad, pa nos bida y nos hogar, pasobra sin
paz y sin santidad ningun hende lo mira Señor. (Hebreonan 12
v14). Gracia no ta duna bo e drechi di haci pica, ma gracia tey pa
saca bo for di pica. No haci bofon di Dios pasobra tur locual
hende sembra nan lo cosecha. si nan no arepenti, aparta, pone
Cristo Hesus na Prome lugar den nan bida.
Laga nos prepara pa e binida di nos Salbador, wardando riba e
speransa bendiciona.