Page 7 - AM210924
P. 7
Diabierna, 24 September 2021 AWEMainta.com 7
Dos concierto cu nos propio musiconan
Diadomingo awor agrupacion ORUBA lo
presenta dos concierto fenomenal pa 3pm
y 7pm den sala grandi di Cas di Cultura.
Oruba ta consisti di e musiconan Reno
Steba, Jeremy Bonarriba, Serghio Jansen,
Jaderick Croes, Papito Raphael, Arthur
Kelly, Johnny Scharbaai y Hubert Thiel.
E show lo estrena coreografia di baile di
Oruba Dancers cu Marcie de Jongh, Thayisa
Farro y Charlotte Lisere.
E concierto yama Totumba, cu ta referí
n’e comchi di klei for di cual indjannan
tabata bebe awa. A scoge un pa un
nomber cu ta refleha nos antepasadonan,
pasobra e tipo di musica t’e fusion di
ritmonan di antes cu harmonianan
modern.
Publico por spera un show varia cu
lo ta rico den ritmo, baile, e aspect
visual, composicionnan nobo y original,
netamente traha pa nos top musiconan
profesional Arubiano, lidera bou di
nos orguyo internacional Reno Steba.
No warda pa busca bo carchinan cerca un
di e integrantenan of na Cas di Cultura.
Totumba ta un continuacion di Music
Exposure, Cas di Cultura su iniciativa
pa pone musiconan local riba su
tarima, exponiendo talento y treciendo
entretenimento di calidad.
