Page 4 - AHATA

2 LOCAL AWEMainta Diamars, 12 Maart 2024

DOW a actua rapidamente pa atende awa sushi dilanti hotel

E problema di awa sushi dilanti di hotelnan, ta
sigui bira algo delicado y serio y departamento
di DOW a manda un comunicado mustrando cu e
biaha aki, nan a ser informa cu tin acumulacion

di awa sushi dilanti di Divi Aruba All Inclusive.

Mesora e departamento concerni a drenta
accion y a bay mira kico ta pasando y kico por

wordo haci cu e situacion aki, cual no tabata
algo agradabel ni pa huespednan den e hotel of
pa otro hendenan pasando den bisindario.

Oficialnan di DOW a constata cu loke nan ta yama
‘mes patroon’ di e ‘pompgemaal’ di Costa Linda
a kima cu consecuencia cu e awa a acumula na
e sitio ya no por a sigui pomp esaki pa a bay e

destino cu mester a bay.

Personal di DOW a instala un pomp di diesel
temporal cu a permiti tecniconan di e depar-

tamento bay over na cambia e patroon daña
mesora y esaki a ser logra den periodo cortico
di tres ora y mesora a inicia e proceso pa bay
over na chupa e cantidad di awa cu a keda para

dilanti di e hotel.

Na mes momento DOW a mustra cu den proximo
dianan, nan lo bay over na cambia tur e mes

‘patroonnan’ di tur e ‘pompgemaa’l cu tin pa
asina evita cu e situacion aki lo bolbe presenta y
crea incomodidad den e areanan hotelero.
E departamento di ‘Beheer Waterschappen’ a

percura pa asina por a atende e problema y haya
un solucion den corto tempo.