Page 15 - ilovepdf_merged-1

Diahuebs 16 di Juni 2022

SPORT

Gol di Memphis Depay den ultimo

minuut ta duna Hulanda triunfo

seleccion Hulandes cu ta bou direccion di
E Louis van Gaal, a sigui cu su preparacion
pa e Copa Mundial cu lo tuma luga na luna
di November venidero na Dubai, caminda
e tecnico ta haciendo uzo di e torneo di
Nations Cup, pa purba varios sistema di
hunga y tambe permiti varios hungado
nobo mustra kico nan tin aden.
Diamars e seleccion Oranje a logra su di
tres triunfo den cuater partido, superando
e seleccion di Wales cu anotacion di 3-2
den otro final dramatico, ora cu Memphis
Depay ta logra di anota e gol di triunfo,
apensa un minuut despues cu Wales a
empata e wega na 2-2 na di 92 minuut.
Un biaha mas Hulanda a mustra superior
contra di su rival, mescos cu el a haci
diasabra contra di Polonia pero e falta di
concentracion cerca algun hungado, ta
hinca e ekipo den problema loke tambe a
bira e caso den e wega di ayera.

Ya na di 17 minuut di wega, e delantero
Noa Lang a pone Hulanda ariba 1-0 y seis
minuut despues tabata e delantero Gakpo
di PSV cu ta aumenta e bentaha di e ekipo
di cas anotando e 2-0 cu tremendo tiro.

Sinembargo ni un minuut despues e

defensa central Teze kende ta haya oportunidad for di van Gaal pa mustra
su mes, ta perde e bala ora cu el a purba sali cu esaki y aki Wales ta contra
ataca mesora y tabata Johnson cu ta probecha pa anota e 2-1 cu cual
anotacion e prome tempo a termina.

Den di dos tempo e seleccion Oranje a domina pero no a bira mucho
peligroso y e creatividad no tabata t’ey manera den e weganan anterior
loke a pone van Gaal manda tanto Depay como Steven Bergwijn den tereno
pa busca mas gol y sigura e triunfo.
Sinembargo otro fayo defensivo e biaha aki di Malacia kende ta dal un
atacante di Wales den lomba, ta pone cu referee e fluit pa penalty y aki e
famoso Gareth Bale ta logra di anota esaki pa empata e wega na 2-2 y aki
tur hende a kere cu esey lo a bira e score final.

Sinembargo Hulanda a pone como seis hunga riba e liña mey mey di tereno
pa busca e posibilidad pa ainda bay cu e triunfo y esaki ta logra tambe ora
cu De Ligt pusha un bala halto den doelgebied di Wales caminda Denzel
Dumfries ta kop e bala manda mey mey y via cabes di un defensor di Wales,
e bala ta cay dilanti pianan di Memphis Depay kende ta pusha e bala den
net pa duna Hulanda e triunfo mereci di 3-2.

15