Page 18 - ilovepdf_merged-1

Diahuebs 16 di Juni 2022

INTERNATIONAL
Hobennan a recorda e rol cu Anne

Frank den comunidadnan di mundo

iadomingo 12 di juni cu ta e fecha natal di Anne
DFrank e organisacion di hobennan di AVP, Plataforma
Hobennan Profesional (PHP) y Green Gen Z a organisa
un conmemoracion pa corda e bida di un hobencita cu
tanto mensahe y ehempel noble a laga atras.
E conmemoracion a habri cu un presentacion
conmovedor di violinista Omar Kock cu presentacion
di e Himno di Aruba y e instrumental di e conocido
pelicula Schindler’s List. Representantenan di PHP,
Wendrick Cicilia y Abigael Arends y hobennan di
Generacion Z, Jeanyra Yarzagaray y Karyme Acosta
acompaña pa hobennan di Arubaanse Padvindsters
Gilde a duna tributo na Anne Frank cu un ceremonia di
krans na su estatua.

Rabbi Baruch a comparti un oracion y mensahe den
memoria di Anne Frank y e miyones di personanan
cu a perde nan bida durante segundo guera mundial.
Tambe a comparti e mensahe di e luz cu mester pasa
di un pa otro pa ilumina nos caminda padilanti guia pa
nos Creador.

Tabata tin discursonan sumamente elocuente di
Wendrick Cicilia y Abigael Arends y hobennan di
Generacion Z, Jeanyra Yarzagaray y Karyme Acosta.
Lider di Partido mr. Mike Eman a cera e conmemoracion
cu un reflexion profundo riba e necesidad pa orienta
nos mes atrobe riba creencia, fe, proposito di bida y
amor prohimo. Mike Eman a enfatisa cu e Pandemia a
mustra mundo cu no tur cos ta den nos man, no tur cos
por wordo calcula y dirigi.

Tin forsa mas grandi, tin un necesidad pa nos ta
consciente y humilde frente e realidad transcendental
aki y tene asina na nos fe pa guia nos. El a mustra cu
den tur e tragedia cu Anne Frank a pasa aden nunca e a
perde speransa, pasobra su fe den Dios tabata grandi.
Anne Frank su forza pa supera tabata tambe den e
amor y sosten incondicional di amistadnan.

Mike Eman a bisa cu esaki tambe ta un leccion grandi di
e historia di Anne Frank; amigonan incondicional cu a
risca nan propio bida pa proteha y cuida otro prohimo.
Un motivacion y ehempel pa nos tur, Eman a enfatisa.

Rabbi Blasberg a duna e oracion di clausura cu e
mensahe di con inspirativo e bida y ehempelnan di
Anne Frank tabata y cu te awe nos por tene na dje.
E bunita atardi-anochi a cera cu un cancion gospel
conmovedor di Eltienne Yarzagaray.

18