Page 28 - ttc sept 17,2015
P. 28
6 AWEMainta Diahuebs, 17 September 2015
Celebracion di 115 aña E aña aki, parokia Sagrado Curason di Hesus ta celebra
di parokia Savaneta
115 aña di existencia. El a keda funda riba 15 di sep-
tember 1900.
Fo’i tempo ey, Savaneta tabatin un misa cu ainda hopi
hende ta cord’e y ta yam’e misa bieu. E misa aki tabata
den sirbishi te na aña 1959. Y, 55 aña pasa, a inaugura
e misa actual cu aña pasa nos a recorda su existencia.
E luna aki, 19 di september pa 6 or di atardi, nos ta invita
tur parokiano y pueblo en general n’e celebracion Euca-
ristico di gradicimento pa 115 aña di parokia Sagrado
Curason di Hesus. Despues di misa, nos lo tin un brindis y
acto social den hofi pa conmemora e fecha historico aki.
E aniversario di parokia Sagrado Curason di Hesus ta
un bon oportunidad pa recorda tur e pastoornan cu
a traha den e parokia aki; alabes, resa pa descanso di
alma di esnan cu a fayece y expresa gratitud na esnan
cu ta na bida.
Di igual manera ta bon pa recorda tur persona cu pa me-
dio di nan practica di fe y entrega na fabor di nos iglesia
a resulta pilarnan di parokia Sagrado Curason di Hesus.
Casi nos no por imagina cuanto Santo Sacrificio di Misa
a keda celebra durante 115 aña, cuanto persona a batisa,
ricibi, confirma, contrae matrimonio etc.
Cuanto simia di palabra di Dios a keda sembra den cu-
rasonnan di pueblo di Savaneta y Pos Chikito cu a yuda
mantene y crece den fe cristian.
Tur esaki ta compromete nos pa celebra un Misa di
gratitud na Dios p’e obranan grandi cu Dios a haci pa nos
pueblo y na mes tempo pone nos futuro den Su Santo
Providencia.
P’esey tambe, bin participa n’e celebracion di 115 aña di
parokia pa uni den oracion, nos glorifica nos Dios y duna
honor na tur esnan cu a traha of ta sigui traha na fabor
di parokia Sagrado Curason di Hesus y na desaroyo di
nos bida spiritual.
