Page 14 - AHATA
P. 14
36 BONEIRO AWEMainta Diabierna, 21 Februari 2025
Gobierno ta destina un miyon euro pa
alivia costo di coriente n’e islanan BES
E gobierno Hulandes a anuncia cu lo destina 1 miyon euro pa sostene e habitantenan di Boneiro, Sint Eustatius y
Saba cu entrada abao. E fondo aki lo beneficia esunnan cu
ta ricibi ayudo bao di e schema “Inkomensondersteuning
Armlastige en Aan Armoede Grenzende gezinnen (Iaag)”,
cu e obhetivo di alivia temporalmente e impacto di aumento
den e costonan di energia.
E sosten aki ta forma parti di e Fondo Nacional di Emergencia
Energetico, cu ta conta cu un total di 60 miyon di euro pa
yuda e casnan den situacion vulnerabel. E medida a wordo
confirma den un carta manda na Tweede Kamer p’e secre-
tario di estado di Relacionnan di Reino, Alexandra van
Huffelen e tempo ey, e secretario di estado di asunto social y
trabao, Dennis Wiersma y e ministernan Micky Adriaansens
(Asuntonan Economico) y Karien van Gennip (Asuntonan
Social y Trabao). Den esaki, e autoridadnan a detaya cu
lo reserva un maximo di 1 miyon euro p’e hogarnan rib’e
islanan di Caribe Hulandes.
A pesar di e anuncio aki, ainda tin duda riba con y ki ora lo
distribui e fondonan aki. Tampoco a defini cu claridad e crite-
rionan di eligibilidad ni e mecanismo di entrega di e sosten
financiero. Ta spera cu den e proximo dianan e gobierno
brinda mas detaye riba e implementacion di e ayudo aki, cu
ta busca pa duna un alivio n’e famianan cu ta enfrenta difi-
cultad economico debi n’e aumento di e costonan di energia.
Fuente: DossierKoninkrijksrelaties
